سنڌ جو عوام قدرتي وسيلن باوجود بک ۽ بدحالي جي ور چڙھيل آھي: محمد حسين محنتي

28 views | 28th Nov 2023 • سنڌي خبرون

سنڌ جو عوام قدرتي وسيلن باوجود بک ۽ بدحالي جي ور چڙھيل آھي: محمد حسين محنتي

ڪراچي/ خيرپور (رپورٽرز وٽان) جماعت اسلامي سنڌ جي امير ۽ اڳوڻي ايم اين اي محمد حسين محنتي سنڌ جي عوام تي زور ڏيندي چيو آهي ته هوءَ ظلم، ناانصافي کان نجات توڙي سنڌ جي خوشحالي ۽ پنهنجي مسئلن جي حل لاءِ ايندڙ عام چونڊن ۾ قابل ۽ ديانتدار قيادت جي چونڊ ڪن، ڏيڍ سال گذري وڃڻ باوجود ٻوڏ متاثرين لاءِ ورلڊ بينڪ جي تعاون سان گهر تعمير ڪري ڏيڻ وارو واعدو پورو نه ڪرڻ پ پ حڪومت جي نااهلي ۽ ڪرپشن جو نتيجو آهي. جماعت اسلامي هر مشڪل گهڙي ۾ سنڌ جي عوام جي خدمت ڪئي آهي. اهڙن خيالن جو اظهار هن خيرپور جي ڳوٺ ربنواز ۾ ٻوڏ متاثرين ۾ گهرن جي تعمير ۽ چاٻيون حوالي ڪرڻ واري ميڙاڪي کي خطاب ڪندي ڪيو. صوبائي امير وڌيڪ چيو ته گذريل 15 سالن کان سنڌ ۾ لاڳيتو حڪومت دوران ڦُرلُٽ ڪرڻ کان پوءِ آزمايل ڀوتار، وڏيرا ۽ سرمائيدار هڪ ڀيرو ٻيهر عوام کي سبز باغ ڏيکاري ووٽ گهري رهيا آهن عوام بار بار آزمايل ماڻهن کي مسترد ۽ مخلص توڙي ديانتدار قيادت جي چونڊ ڪري ته جيئن سنڌ خوشحال ۽ سندن مسئلا حل ٿي سگهن.#