چوهڙ جمالي سجاول روڊ جو ڪم مڪمل نھ ٿيڻ خلاف احتجاجي ريلي ۽ ڌرڻو، وڏي انگ ۾ ماڻھو شريڪ

چوهڙ جمالي سجاول روڊ جو ڪم مڪمل نھ ٿيڻ خلاف احتجاجي ريلي ۽ ڌرڻو، وڏي انگ ۾ ماڻھو شريڪ

سجاول(رپورٽر) چوهڙ جمالي سجاول روڊ جو ڪم مڪمل نه ٿيڻ خلاف شاهبندر سجاڳ فورم پاران احتجاجي ريلي ڪڍي ويئي ٽيڪسي ڊرائيور ڪارون کڻي احتجاج ۾ شريڪ , شاهبندر سجاڳ فورم جي سڏ تي مختلف سياسي سماجي مذهبي ادبي , صحافتي تنظيمن ۽ واپارين پاران چوهڙ جمالي سجاول روڊ جو ڪم ٽن سالن تائين مڪمل نه ٿيڻ خلاف ايس ٽي پي جي واحد خاصخيلي , جسم جي رحيم بخش جمالي سني تحريڪ جي مولوي منظور احمد قادري , شاهبندر سجاڳ فورم جي ناشاد ملاح , جمعيت علماءۡ اسلام جي مولوي اسدالله سنجراڻي مولوي منظور احمد حقاني , واپاري اڳواڻ صحافي صديق ميمڻ نوراني , سابق ڊي اي او ايجوڪيشن محمد صديق ميمڻ شھري اڳواڻ ڊاڪٽر وزير ميمڻ , اصغريه آرگنائيزيشن جي علي حسن حسيني سنڌي ادبي سنگت جي شڪيل پارس چوهڙ جمالي پريس ڪلب جي مصطفي ميمڻ ڪوي خاصخيلي , ايوان صحافت جي وقار ميمڻ , واپاري اڳواڻ فقير اقبال ميمڻ سوشل ورڪر ٽيم جي فاروق آزاد ميمڻ شاهد حسيني ۽ ٻين جي اڳواڻي ۾ چوهڙ جمالي پريس ڪلب کان مدني چوڪ تائين هڪ وڏي ريلي ڪڍي ويئي ريلي ۾ ٽيڪسي ڊرائيور ڪارن سميت شريڪ ٿيا ان موقعي تي اڳواڻن خطاب ڪندي چيو ته چوهڙ جمالي سجاول روڊ جو ڪم گذريل ٽن سالن کان مڪمل نه ٿيڻ ڪري هتان جي رهواسين کي تمام گهڻين پريشانين کي منهن ڏيڻو پوي ٿو روڊ جو ڪم مڪمل نه هجڻ ڪري روڊ حادثا ۽ ڦر جا واقعا روز جو معمول بڻيل آھن پر افسوس اختيارين جو ان طرف ڪوبه ڌيان ناهي ٺيڪيدار پنهنجي مشنري کڻي رفوچڪر ٿي ويو آھي جنهن جي ڪري هي خوني ۽ ڦورو روڊ علائقي واسين لاء ويتر عذاب پيدا ڪري رهيو آھي هنن چتاءۡ ڏيندي چيو ته جيڪڏھن روڊ جو ڪم مڪمل نه ڪيو ويو ته آخري حد تائين احتجاج ڪري شھر ۾ شٽر ڊائون هڙتال سميت سجاول روڊ تي ڌرڻو هنيو ويندو