موهن جو دڙو ڀرسان ٻيلي کاتي جي عملدارن جو قبضا ختم ڪرائڻ لاءِ آپريشن

210 views | 22nd Nov 2023 • سنڌي خبرون

موهن جو دڙو ڀرسان ٻيلي کاتي جي عملدارن جو قبضا ختم ڪرائڻ لاءِ آپريشن

موهن جو دڙو(رپورٽر) موهن جو دڙو ڀرسان گاجي ديرو، بگي ۽ ڪاراڻي ٻيلي ۾ هاء ڪورٽ سکر ۽ سيشن ڪورٽ لاڙڪاڻي جي حڪم تي ٻيلي کاتي طرفان ڊي ايف او مالڪ ڏنو ملاح ۽ آر ايف او ڏوڪري عبالڪريم منڱريو جي نگراني ۾ عملي پوليس جي مدد سان ڳري مشينري ذريعي ڪاروائي ڪري بااثر ماڻهن طرفان 100 ايڪڙ سرڪاري زمين تان مختلف بااثر ماڻهن طرفان غير قانوني ڪيل قبضا ختم ڪرائي ڇڏيا آھن. جڏهن تہ فصل ڀيلايا ويا. ٻيلي کاتي طرفان قبضا نہ ڪرڻ جي وارننگ بہ جاري ڪئي وئي آھي. ان موقعي تي ڊي ايف او مالڪ ڏنو ملاح ۽ آر ايف او ڏوڪري عبدالڪريم مڱريو جو چوڻ ھو ته بااثر ماڻهن تعلقي ڏوڪري اندر ٻيلي کاتي جي هزارين ايڪڙ زرعي زمين تي غير قانوني قبضا ڪري فصل پوکي ڇڏيا آهن.جن تان هاء ڪورٽ سکر ۽ سيشن ڪورٽ لاڙڪاڻي جي حڪم تي قبضا ختم ڪرائڻ لاء ڪاروائي شروع ڪئي آهي جيڪا ڪاروائي قبضا خورن خلاف جاري رهندي.هنن چيو ته قبضا ڪندڙ بااثر ماڻھن خلاف ڪاروائي جاري رهندي.