نوشھروفيروز ۾ ميونسپل ڪاميٽي جي ملازمن جو 8 ڏينھن بھ احتجاجي مظاھرو ۽ ڌرڻو

نوشھروفيروز ۾ ميونسپل ڪاميٽي جي ملازمن جو 8 ڏينھن بھ احتجاجي مظاھرو ۽ ڌرڻو

نوشهرو فيروز (ڊر) آل پاڪستان لوڪل گورنمينٽ ورڪرز فيڊريشن رجسٽرڊ سنڌ ضلع نوشھرو فيروز پاران ميونسپل ڪاميٽي نوشهروفيروز جي ملازمن کي پگهارون نه ملڻ خلاف اڄ 8 ڏينھن ڊپٽي ڪمشنر آفيس آڏو ڌرڻو هڻي احتجاجي مظاهرو، احتجاج ۾ ميونسپل نوشھروفيروز، ٽائون ڪاميٽي مٺياڻي،۔ٽائون ڪاميٽي ڀريا، ٽائون ڪاميٽي ڀريا روڊ ۔ٽائون ڪاميٽي پڊعيدن ۔ٽائون ڪاميٽي دريان خان مري ۔ڪنڊيارو جي ملازمن شرڪت ڪئي احتجاج جي اڳواڻي ڪشن راجا، نويد تڳر، مولابخش شيخ، منظور ملڪ، عمران راڄپر، قمر منگي، ممتاز ڪيريو ۽ ٻيا ڪري رهيا هيا احتجاجي ريلي ميونسپل آفيس کان ڊي سي آفيس تائين ڪڍي وئي ان موقعي اڳواڻن چيو ته گذريل ٽن مهينن کان ميونسپل ڪاميٽي جي ملازمن جو پگهارون نه ٿيڻ ڪري ملازم فاڪاڪشي جو شڪار آھن ان کان علاوا رٽائرڊ ٿيندڙ ملازمن کي پنشن، گريجوٽيٽي به نٿي ملي ان لاءِ اسان جا جائز مطالبا تسليم ڪري ملازمن جون جلد کان جلد پگهارون ڪيون وڃن ملازمن مان بيچيني ختم ڪئي وڃي۔ ڊي سي آفيس آڏو احتجاج دوران ملازمن سان ڳالهين لاءِ اي ڊي سي ون اعجاز علي هاليپوٽو آيو جن ملازمن سان ڳالهيون ڪيو ان موقعي تي ايس سي ون چيو ته ميونسپل جي چيئرمين جي استعفي کان پوءِ پگهار جو اشو ٿيو آھي اسان عارضي طور اڪائونٽنٽ مقرر ڪرايو آھي ٻن ڏينهن بعد پگهارون جاري ڪيون وينديون ان موقعي تي ملازمن چيو ته اسان پنهنجو احتجاج جاري رکنداسين جيڪڏهن ٻن ڏينهن اندر پگهار نه ڪئي وئي ته اسان ڪم چڏ هڙتال ڪئي ويندي