ڊي سي نوشھروفيروز محمد ارسلان سليم پاران ريسڪيو 1122 ايمبولينس سينٽر جو افتتاح

ڊي سي نوشھروفيروز محمد ارسلان سليم پاران ريسڪيو 1122 ايمبولينس سينٽر جو افتتاح

نوشهرو فيروز (ڊر) ڊپٽي ڪمشنر نوشهروفيروز محمد ارسلان سليم اڄ تعلقي اسپتال ڪنڊيارو ۾ سنڌ حڪومت جي انٽيگريٽيڊ ايمرجنسي هيلٿ سروسز پروگرام تحت قائم ڪيل ريسڪيو 1122 ايمبولينس سينٽر جو افتتاح ڪيو. ان موقعي تي اسسٽنٽ ڪمشنر ڪنڊيارو رضا محمد شر، ايم ايس عبدالحميد انصاري ۽ ريسڪيو 1122 سينٽر انچارج پڻ موجود هئا.ان موقعي تي ڊپٽي ڪمشنر چيو ته ريسڪيو 1122 جي ايمبولينس جي فراهمي سان صحت جي شعبي ۾ بهتري ايندي ۽ مريضن کي بروقت اسپتال پهچائڻ ۾ مدد ملندي ۽ ايمبولينس ۾ طبي عملي ۽ ٻيون طبي سهولتون موجود هئڻ سبب مريضن کي صحت جي بھترسهولت ملندي.. هن ايمبولينس ۾ موجود سهولتن جو جائزو ورتو ۽ اطمينان جو اظهار ڪيو. ان موقعي تي ڊپٽي ڪمشنر کي ٻڌايو ويو ته اسپتال ۾ سينٽر لاءِ 2 ڪمرا مختص ڪيا ويا آهن جڏهن ته ايمبولينس سروس لاءِ اسپتال ۾ طبي عملو ۽ ٻيو ضروري طبي سامان آندو ويو آهي.