موھن جو دڙو ڀرسان ڪيڊٽ ڪاليج لاڙڪاڻي ۾ ٻن ڏينھن وارا ٽئلينٽ مقابلا شروع

191 views | 10th Nov 2023 • سنڌي خبرون

موھن جو دڙو ڀرسان ڪيڊٽ ڪاليج لاڙڪاڻي ۾ ٻن ڏينھن وارا ٽئلينٽ مقابلا شروع

موهن جو دڙو(رپورٽر)موهن جو دڙو ڀرسان ڪيڊٽ ڪاليج لاڙڪاڻي طرفان ٻه روزهه آل ايليٽ انسٽيٽيوشنز ٽئلنٽ ڪانسٽيسٽ جا مقابلا شروع ٿي ويا. پهرين ڏينهن جي تقريب ۾ تقرير بازي مضمون نگاري ۽ اسڪوائش جا مقابلا منعقد ڪيا ويا. ڪيڊٽ ڪاليج پيٽارو.ڪيڊٽ ڪاليج سانگهڙ،ڪيڊٽ ڪاليج گهوٽڪي،مستونگ،ڪرمپور،صادق پبلڪ اسڪول بهاولپور،زيبيسٽ ڪاليج لاڙڪاڻو،شڪارپور،نوشهروفيروز سميت سميت ملڪ جي 26 تعليمي ادارن حصو ورتو.تقريري مقابلن ۾ شاگردن ۽ شاگردياڻين ڪشمير مسئلي ۽ ماحولياتي گدلاڻ.تعليم جي اهميت تي تقريرون ڪيون.ان موقعي تي افتتاحي تقريب کي خطاب ڪندي ڪيڊٽ ڪاليج لاڙڪاڻي جي پرنسپل برگيڊيئر غلام رضا.ستارهه امتياز ملٽري چيو ته تعليم کان سواءِ ڪوبه ملڪ يا قوم ترقي ڪري نه ٿو سگهي نوجوانن کي بھتر تعليم سان گڏ تربيت جي پڻ ضرورت آهي هن چيو ته اسان جي دلين ۾ پنهجي ملڪ سان پيار ۽ سچائي جو جذبو موجود هئڻ گهرجي.ڇو ته حب الوطني ايمان جو نشاني آهي هن وڌيڪ شاگردن سان مخاطب ٿيندي چيو ته استاد جي عزت ڪرڻ گهرجي جيڪو اوهان جي ڪاميابي ۾ اهم ڪردار ادا ڪري ٿو.هن چيو ته انگريزن جڏهن علامه اقبال کي سر جو خطاب سان ڏنو ٿي ته پاڻ چيائون ته پهريون اهڙو خطاب منهنجي استاد کي ڏيو. برگيڊيئر غلام رضا چيو ته ڪيڊٽ ڪاليج لاڙڪاڻي جا استاد ۽ شاگرد تعليم جي بهتري ملڪ جي بقا لاءِ ڏينهن رات جاکوڙي رهيا آهن.ان موقعي تي ڪيڊٽ ڪاليج لاڙڪاڻي جي ڪيڊٽس سنڌي پنجابي پشتو ۽ بلوچي ثقافتي گيتن تي ٽيبلو پيش ڪيا.