درگاھھ ستيون ۽ شاھھ جھنڊو جي سالياني عرس تي ميلو منعقد، ملھ جا مقابلا

ميلو ۽ ملھ جا مقابلا عيسيٰ صابرو، عنايت خاصخيلي، عابد حسين سرڪي ۽ ٻين جي نگراني ۾ ٿيا

ٺٽو(ڊر) درگاھ حضرت ستيون ۽ حضرت شاھ جھنڊو رح جن جو ساليانو عرس مبارڪ ميلو ٺٽي شھر کان 5 ڪلوميٽر اتر طرف درگاھ ستيون جي آخري ارامگاھ تي نھايت عقيدت ۽ احترام سان ملھايو پيو وڃي، ميلي ۾ مختلف ورائٽي پروگرامن سان گڏ ملھ ملاکرو ملھ پھلوان محمد عيسي صابرو، عنايت خاصخيلي، عابد حسين سرڪي، سارنگ موسي ملاح، نور محمد ميربحر، شھباز شيخ، زاھد ايوب ملاح جي نگراني ۾ جاري اھي، جنھن ۾ اتر ۽ لاڙ جا ملھ پھلوان سيد اياز علي شاھ، غلام نبي شيدي، گلاب بلوچ، صدام حيسن ميراڻي ملاح، مبارڪ ملاح، عرفان ملاح، واحد ملاح، ماجد ملاح، نديم ملاح، خان بھادر کوسو، صدام عرف ٽريڪٽر شيدي، امتياز مڱڻھار، امتياز ملاح، دادلو شيدي، خالد بلوچ ۽ ٻين ملھون ماري خوب داد ۽ انعام حاصل ڪيو، جن کي انعام غلامي ھنڱورو، حبيب پالاري، وڏيرو حمير سرڪي، اڪرم، ترڪ علي سرڪي، ابراھيم سرڪي، سردار عبدالصمند سومرو ۽ ٻين ڏنا، جڏھن تہ رات جو ڌمال روزانو جاري اھي، ميلي ۾ سنڌ، بلوچستان سميت پوري ملڪ کان پانڌيئڙا پھتل آھن، جيڪي درگاھن تي پھچي زياريون ڪري دعائون گھرڻ ۾ مصروف بڻيل آھن. جڏھن تہ ميلي جا انتطام درگاھ جي خدمتگارن محمد انور خليفو، ناٿو، حاجي خان، نواز علي خليفو، الھڏنو، سرور درس، اقبال خليفو، اُحمد خليفو، شھباز خليفو ۽ ٻين پاران سنڀاليا ويان آھن، ميلي ۾ سيڪيورٽي جا انتظام پڻ سخت ٿيل آھن.