هر انسان کي جسماني ۽ ذهني صحت کي برقرار رکڻ لاءِ ڪوشش ڪرڻ گھرجي: طارق عزيز بلوچ

راندين کي اسان جي زندگي ۾ اهم مقام حاصل آهي، جنهن جي جيتري به پچار ڪئي وڃي اها گهٽ آهي

گڏاپ(رپورٽر) ٽائون ميونسپل ڪارپوريشن گڊاپ جي چيئرمين طارق عزيز بلوچ چيو آھي ته هر انسان کي پنهنجي جسماني ۽ ذهني صحت کي برقرار رکڻ لاءِ ڪو نه ڪو حيلو ضرور ڪرڻ گهرجي، راندين کي اسان جي زندگي ۾ اهم مقام حاصل آهي، جنهن جي جيتري به پچار ڪئي وڃي اها گهٽ آهي، جيڪڏهن اسانجي زندگيءَ ۾ راند نه هجي ته پوءِ اسان جو جسم بيمارين جو مرڪز بڻجي ويندو، اهڙي طرح اسان صحتمند نه رهي سگهنداسين، باقاعدگي سان راندين کيڏڻ سان انسان جسماني ۽ ذهني طور صحتمند رهي سگهي ٿو، گڊاپ شهر وقت سِر راندين جا مختلف پروگرام رکيا آهن. جنهن ۾ وڌيڪ اضافو اسان جي اولين ترجيح آهي، منهنجي ڪوشش آهي ته گڊاپ ٽائون جي نوجوانن کي اڳتي آڻي راندين ۾ وڌيڪ حصو وٺرايان ته جيئن گڊاپ ٽائون جا نوجوان صحتمند ۽ تندرست رهي سگهن.ڪرڪيٽ جي راند عالمي شهرت جي حامل آهي، ڪرڪيٽ سنڌ جي ثقافتي ورثي ۾ اسان سان جڙيل آهي، اهڙن خيالن جو اظهار هن گڊاپ ٽائون جي آفيس ۾ ينگ سيلرز ڪرڪيٽ ڪلب يوسي مراد ميمڻ جي ٽيم جي ڪپتان کي ڪرڪيٽ کٽڻ ۽ انعامن ورهائڻ جي تقريب کي خطاب دوران ڪيو. ان موقعي تي ميونسپل ڪمشنر احمد يار، اڪائونٽ آفيسر افتخار احمد دايو، ڊائريڪٽر ايڇ آر ايم حاجي محمد شريف شيخ، پارلياماني ليڊر ۽ ڪائونسل ميمبر مير عباس ٽالپر، ڊائريڪٽر پرچيز سهيل يار خان، ڊپٽي ڊائريڪٽر اسپورٽس اينڊ ڪلچر اصغر بلوچ، پي ايس چيئرمين لعل جان نبي ۽ ٻيا پڻ موجود هئا.