ڌمڪيون ملي رهيون آهن، منهنجي جان کي سخت خطرو آهي: ام رباب چانڊيو

ايس ايڇ او منهنجي سيڪيورٽي معاملن ۾ مداخلت ڪري هدايتون ڏئي رهيو آهي

ميهڙ (رپورٽر) ٽن شھيدن جي وارث ام رباب چانڊيو پنهنجي جاري ڪيل ويڊيو بيان ۾ چيو آهي ته منهنجي جان کي سخت خطرو آهي مون کي ڌمڪيون ملي رهيون آهن پوليس منهنجو ڪيس خراب ڪري رھي آهي آءِ جي سنڌ نوٽيس وٺي اسان جي ڪيس ۾ ملوث جوابدار ڪريم چانڊيو جي پٽ ايس ايڇ او امداد چانڊيو جنهن جو والد اسان جي قتل ڪيسن ۾ جيل ۾ آهي ان کي سپريم ڪورٽ جي حڪم جي ابتڙ کيس هوم ڊسٽرڪٽ ۾ مقرر ڪيو ويو آھي، مذڪوره ايس ايڇ او بابت سپريم ڪورٽ ۾ جمع ٿيل بيان تان پوليس ڦري وئي آهي ان ايس ايڇ او منهنجي سيڪيورٽي معاملن ۾ مداخلت ڪري هدايتون ڏئي رهيو آهي هن چيو ته جنهن سان اسان جو مسئلو هلندڙ آهي ان کي اسان جي سيڪيورٽي جي ذميواري ڪيئن ڏني وئي آھي، هن چيو ته ڊي آءِ جي چئي ٿو اڳتي ائين نه ٿيندو هن وقت تائين جيڪو ٿيو ان جو ذميوار ڪير آهي هن چيو ته خدارا هوش کان ڪم وٺو منهنجي زندگي خطري ۾ آهي اگر مون کي ڪجهه ٿيو ته ان جو ذميوار ڊي آءِ جي لاڙڪاڻو ۽ سنڌ پوليس هوندي، هن چيو ته منهنجو هي پيغام آءِ جي سنڌ لاءِ آهي پوليس منهنجو ڪيس خراب ڪري رهي آھي ھن چيو تہ مان ڪا به ڳالهه بغير ثبوت جي ناهيان ڪندي آءِ جي سنڌ پوليس ۾ ڇپيل بگهڙن کي سڃاڻي نه ٿو سگهي ته پوءِ پوليس تي اناالله وانا عليه راجعون پڙهي ڇڏي، هن چيو ته مذڪوره ايس ايڇ او جي هدايتن ۽ مداخلت اسان جي شاهدن کي حراسان ڪري رهيو آهي جنهن سبب اسان جو گواهه عدالت ۾ پريشر اچي بي هوش ٿي ويو ھو هن چيو ته پوليس جي اهڙي عمل کان پوءِ مان ڪيئن يقين رکان ته اسان سان انصاف ٿيندو