نوشھروفيروز ۾ شاگرد تي ڪيس داخل ٿيڻ خلاف احتجاجي مظاھرو

views | 06th Nov 2023 • سنڌي خبرون

بينظير ڀٽو يونيورسٽيءَ ڪئمپس جي شاگرد نويد کوسي تي ڪوڙو ڪيس داخل ڪيو ويو آھي: اڳواڻ

نوشهرو فيروز (ڊر) شھيد بينظير يونيورسٽيءَ نوشھروفيروز ڪئمپس جي شاگرد نويد کوسي مٿان نوشھروفيروز پوليس پاران ڪيس داخل ڪرڻ خلاف شاگردن احتجاج ڪيو. شاگردن پريس ڪلب نوشهروفيروز آڏو احتجاجي مظاھرو ڪيو. ان موقعي تي شاگرد نويد کوسي چيو ته پوليس وڏيرن جي ونگار وھي ڪوڙو ڪيس داخل ڪيو آھي. جڏھن ته ڪيس داخل ٿيڻ بعد مستقبل اونداهون ۽ پڙھائي متاثر ٿي رھي آھي. ٻين شاگردن اسد چانڊيو، اڪبر کوسو، اصغر کوسو ۽ ٻين چيو ته شاگرد مٿان ڪوڙو ڪيس واپس ورتو وڃي ڇاڪاڻ ته نوشھروفيروز پوليس بنا جاچ جي ڪوڙو ڪيس داخل ڪري ظلم ڪيو آھي.