سجاول سول اسپتال جي ايمبولينس مريضن لاءِ بي لاڀ بڻيل

ايمبولنس سول اسپتال بدران نجي جڳھ يارو شاھ قبرستان وٽ بيٺل آھي: ذريعا

سجاول (رپورٽر) سول اسپتال سجاول جي ايمبولنس مان مريضن کي ڪوبه فائدو حاصل نه ٿي سگھيو آھي ذريعن جو چوڻ آھي تھ سول اسپتال جي ايمبولنس سول اسپتال ۾ ھئڻ بدران نجي جڳھ يارو شاھ قبرستان وٽ بيٺل ،ڊي ايڇ او سجاول ۽ انتظاميا ننڊ ستل آھي جڏھن ته ڪجھ وقت پھرين اھا ساڳي ايمبولنس منشيات ۾ ملوث ھئڻ سبب ڪراچي پوليس تحويل ۾ ورتي ھئي جيڪا ھن وقت نجي جڳھ تي بيھارڻ ٻيھر منشيات جي ڪاروبار ۾ ملوث ھئڻ جو خدشو آھي خبر موجب: سول اسپتال سجاول ۾ ڊاڪٽرن جي کوٽ ۽ ريفر سينٽر قائم ھئڻ سان گڏ سجاول سول اسپتال ۾ سھولت جي کوٽ آھي جڏھن ته سجاول سول اسپتال ۾ ھڪ ايمبولنس آھي جيڪا بجي جڳھ تي بيھاري لکين روپيا ايمبولنس جي پيٽرول جي مد ۾ ڪڊرايا وڃن ٿا پر سجاول سول اسپتال جي ايمبولنس مريضن کي ملڻ مشڪل آھي جڏھن به ڪنھن مريض کي ڏني ويندي آهي ته ان کان پيٽرول ۽ ڊرائيور جي چارج ورتي ويندي آھي ھن وقت ڪاغذ جي ڪارروائي ۾ سول اسپتال جي ايمبولنس فري ۾ ڏني وڃي ٿي پر اھا نجي جڳھ يارو شاھ درگاھ ڀرسان بيھاري لکين روپيا ڪرپشن ڪئي وڃي ٿي ڪجھ وقت پھرين سول اسپتال جي ايمبولنس منشيات کڻڻ ۾ پڪڙجي ھئي جيڪا ٻيھر منشيات جي ڪم ھلڻ جو خدشو پڻ ظاهر ٿئي ٿوسجاول جي شھرين سيڪيٽري ھيلٿ،ڊي جي ھيلٿ،۽ ٻين کان مطالبو ڪيو آهي ته سول اسپتال جي ايمبولنس اسپتال ۾ بيھاري مريضن جي ڪم ۾ آندي وڃي