ڪراچي ۾ نوجوان وڻ تان ڪرڻ سبب چيلھھ ڀڄڻ ڪري معذور، واھر جي اپيل

مهراڻ ٽائون واسي نوجوان پورهيت مير حمزو ناريل جي وڻ تان ڪرڻ سبب جسم جو هيٺيون ڌڙ ڪم ڪرڻ ڇڏي ويو

ڪراچي (رپورٽ: گل زيب شيخ) ڪورنگي جي علائقي مهراڻ ٽائون جي رهواسي 19 ورهين جو نوجوان پورهيت مير حمزو ولد محمد پريل بهادر آباد ۾ ڪم دوران ناريل جي وڻ تان ڪري پيو، ناريل جي وڻ تان ڪرڻ سبب نوجوان حمزو جي چيلھھ ڌڪ لڳڻ ڪري جسم جو هيٺيون ڌڙ ڪم ڪرڻ ڇڏي ويو نوجوان هلڻ ڦرڻ کان لاچار کٽ ڀيڙو ٿي ويو نوجوان جي پيء پورهيت محمد پريل جو چوڻ آھي ته نوجوان پٽ مزدوري پورهيو ڪندو هيو ته گهر جي چلھ ٻرندي هئي ، گهر ۾ الھھ تلھھ کپائي نوجوان جو علاج ڪرايو هڪ آپريشن به ڪرايو پر هاڻي سگھ ئي ناهي رهي نوجوان جو علاج ڪرائي سگهان، ڦاڪاڪشي تي مجبور ٿي ويا آھيون ريڙھي هلائي مزودري ڪري اچان ٿو ٻچي جو علاج ڪرايان يا گهر ۾ ٻچن کي ماني ڳڀو کاريان، سمجھھ نٿو اچي نوجوان جي علاج ڪرائڻ کان لاچار ٿي ويو آھيان دوا خريد ڪرڻ لاء به پيسا ناهن تڪليف ۽ اذيت واري زندگي گهاري رهيا آھيون نگران سرڪار، ساڃاھ وند مدد ڪن، نوجوان جو علاج ڪرائي ڏنو وڃي.