قمبر ۾ ضلعي صحت کاتي پاران ھيپاٽائٽس جي عالمي ڏھاڙي جي حوالي سان جاڳرتا ريلي ڪڍي وئي

قمبر(رپورٽر) قمبر ۾ ضلعي صحت کاتي پاران ھيپاٽائٽس جي عالمي ڏھاڙي جي حوالي سان صحت کاتي جي آفيسرن، عملدارن، ليڊي ھيلٿ ورڪرز ۽ سي ايم ڊبليو طرفان ضلعي صحت آفيسر ڊاڪٽر گلزار احمد تنيو ۽ اي ڊي ايڇ او ڊاڪٽر سيد حبيب شاھ بخاريء جي اڳواڻيء ۾ ڊي ايڇ ڪيو اسپتال کان وٺي سي ايم ڊبليو اسڪول تائين ھٿن ۾ بينر کڻي عوام ۾ ھيپاٽائٽس جھڙي موذي مرض بابت سجاڳي پيدا ڪرڻ لاء ريلي ڪڍي وئي جڏھن ته سيمينار پڻ منعقد ڪيو ويو ان موقعي تي سيمينار کي خطاب ڪندي ڊي ايڇ او قمبر شھدادڪوٽ ڊاڪٽر گلزار احمد تنيو، ڊاڪٽر سيد حبيب شاھ بخاري، نيورو فزيشن ڊاڪٽر غلام مصطفا تنيو، سي ايم ڊبليو اسڪول جي پرنسپال ڊاڪٽر رضيا سلطانا جروار ۽ فزيشن ڊاڪٽر سنتوش ڪمار چيو ته ھيپاٽائٽس ھڪ موذي مرض آھي ھيپاٽائٽس کان بچاء لاء سموري دنيا ۾ 28 جولاء تي عالمي ڏھاڙو ملھايو ويندو آھي اھو ڏينھن ملھائڻ جو مقصد اھو ھوندو آھي ته جيئن عوام ۾ ھيپاٽائٽس جھڙي موذي مرض کان بچاء لاء سجاڳي پيدا ڪئي وڃي ضلعي قمبر شھدادڪوٽ ۾ صحت کاتي سنڌ جي مڪمل سھڪار سان ھيپاٽائٽس جي مرض ۾ مبتلا مريضن کي مڪمل ڪورس ڊي ايڇ ڪيو اسپتال قمبر مان مفت ۾ فراھم ڪيو ويندو آھي جڏھن ته ضلعي صحت کاتي قمبر شھدادڪوٽ طرفان اسڪولن ۾ پڙھندڙ شاگردن شاگردياڻين استادن ۽ ٻين ماڻھن جي اسڪريننگ ٽيسٽ ڪئي ويندي آھي ته جيئن اسانجي ضلعي جو عوام موذي مرض کان بچي سگھي ھنن چيو ته اسان عوام کي آگاھ ٿا ڪريون ته اھي عطائي ڊاڪٽرن کان دوا نه وٺن ڇوته انھن پاران لڳايل انجيڪشن مان ھيپاٽائٽس ٿيڻ جو خطرو ھوندو آھي اسان عزم ڪيو آھي ته پنھنجي ضلعي قمبر شھدادڪوٽ کي موذي مرض ھيپاٽائٽس کان پاڪ بڻائينداسين،