ڪراچي جي سھراب ڳوٺ ۾ ٽائون انتظاميھ سياسي ورڪرن خلاف ڪارروائين تي لھي آئي

ٽائون چيئرمين لالا رحيم پنھنجي ئي سياسي ڪارڪنن ۽ ووٽرن خلاف انتقامي ڪارروائين تي لھي آيو آھي: پورھيت

ڪراچي (رپورٽر)ڪراچي سهراب ڳوٺ ٽائون ڪاميٽي سياسي ورڪرن سان انتقامي ڪارروائين تي لھي پئي احسان آباد فوٽ پاٿ تي ويٺل غريب پورھيت جي لڳل جوس واري مشن رات جي اندھيري ۾ کڻائي پورھيت مٿان ڪوڙو ڪيس داخل داخل ڪرائي ڇڏيو. مشن واپس ڏيڻ کان انڪار. پورھيت پندرهن ڏينهن کان بيروزگار فاڪا ڪشي واري زندگي گذارڻ تي مجبور بڻجي ويو. مزدورن جو ٽائون چيئرمين خلاف احتجاجي مظاهرو. ميئر ڪراچي کان نوٽس وٺڻ جو مطالبو. انصاف نه ملڻ جي صورت ۾پاڻ ساڙڻ جو چتاءُ ڏئي ڇڏيو. تفصيل موجب ڪراچي سهراب ڳوٺ ٽائون يوسي 6 احسن آباد ۾ ٽائون ڪاميٽي سھراب ڳوٺ جي چيئرمين لالا رحيم پنھنجي ئي سياسي ڪارڪنن ۽ ووٽرن خلاف انتقامي ڪارروائين تي لھي پيو. فٽ پاٿ تي ويٺل جوس جو ڪاروبار ڪندڙ پورهيت اشتياق احمد جي اڏي تي رات جي اندھيري ۾ ڪاروائي ڪري جوس جي مشن کڻائي ويو. جنھن خلاف پورھيت اشتياق احمد. محمد اختر. محمد اصغر ۽ ٻين جوس جي اڏي تي ٽائون جي چيئرمين خلاف احتجاجي مظاهرو ڪيو. ان موقعي تي مظاھرو ڪندڙ پورهيت اشتياق احمد ٻڌايو ته ٽائون چيئرمين لالا رحيم رات جي انڌيري ۾ ڪاروائي ڪري جوس جي مشن کڻائي ڪوڙو ڪيس داخل ڪرائي ڇڏيو آھي. ھن چيو تہ ھو پندرهن سالن کان احسن آباد جي مين چونڪ تي جوس جو ڪاروبار ڪندو آھي. پر جڏھن کان لالا رحيم ٽائون جو چيئرمين چونڊجي آيو آھي ان ڏينھن کان ھن غريب ريڙھي. ڪيبنن. برف جي اڏن. جوس وارن خلاف رڻ ٻاري ڏنو آھي. ھن چيو تہ ھو ٽائون جو چالان بہ ڀرڻ لاءِ تيار آھي پر ان باوجود ٽائون چيئرمين انتقامي ڪارروائي تي لھي مشن واپس ڪرڻ کان صاف انڪار ڪري ڇڏيو آھي. ھن وڌيڪ چيو تہ ھو پاڪستان پيپلز پارٽي جا ورڪر پڻ آھن ھنن سدائين پيپلز پارٽي کي ووٽ ۽ سپوٽ ڪئي آھي. پر ان باوجود اسان کي معصوم ٻچڙن جو روزگار ڪرڻ نٿو ڏنو وڃي. پورھيت اشتياق احمد چيو تہ ٽائون چيئرمين لالا رحيم پنھنجي انا پرستيءَ جي ڳالھ تي قائم آھي ھو چوي پيو ته اوھان پنھنجو اڏو ھتان ختم ڪيو. ھن چيو تہ قانوني ڪاروائي سڀني لاء ٿيڻ گھرجي پوء ٻين خلاف قانوني ڪاروائي ڇو نٿي ڪئي وڃي. قانون صرف منهنجي لاء ڇو آھي. منھنجا معصوم ٻچڙا پندرهن ڏينھن بکون ڪٽڻ تي مجبور آھن. منھنجي ٻچڙن جي جمع پونجي واپس نه ملي ته آء خودڪشي ڪندس. پورھيت نگران حڪومت. ميئر ڪراچي مرتضي وھاب کان مطالبو ڪيو ته سھراب ڳوٺ ٽائون انتظاميه خلاف نوٽيس وٺي جوس جي مشن واپس ڪرائي انصاف فراهم ڪيو وڃي. انصاف نه ملڻ جي صورت ۾ احسن آباد چونڪ تي پاڻ کي باھ ڏئي ساڙڻ جو چتاءُ ڏئي ڇڏيو.