سجاول ۾ گلوبل ڊگنٽي ڊي جي حوالي سان فلاحي اداري پاران راندين جا مقابلا ڪرايا ويا

رائيٽ ٽو پلي ھميشه بھترين پروگرام ڪيا آھن، اسڪولي ٻارڙا مختلف رانديون کيڏي انجواءِ ڪن ٿا: عبدالحفيظ کٽي

سجاول(گلشيرميربحر) سجاول ۾ گلوبل ڊگنٽي ڊي جي حوالي سان فلاحي اداري رائيٽ ٽو پلي پاران ايريگيشن ڪالوني گرائونڊ تي اسپورٽس پروگرام منعقد ڪيو ويو اسپورٽس پروگرام ۾ 22 اسڪولن جي ٻارڙن وڏي تعداد۾حصو ورتو ۽ مختلف اسپورٽس گيمن مان انجواءِ پڻ ڪيو،اسڪولن ۾ مدرسہ سائيٽ، ڳوٺ فتح محمد سومرو،حاجي سبحان پنجابي ،بھاول خان مگسي ،مدرسہ الھاشميا، ۽ موڙرو مرڪز جي معذور ٻارڙن ويل چيئر گيم ، رسا ڪشي،فراگ جمپنگ ،لانگ جمپ سميت مختلف راندين ۾ سخت مقابلو ڪيو انھيءَ موقعي تي فلاحي اداري رائيٽ ٽو پلي جي پروجيڪٽ ڪو آڊينيٽر عبدالحفيظ کٽي، رخسانا شيخ ، پروجيڪٽ مئنيجر عطا احمد سومرو ، پروجيڪٽ آفيسر عروج ترڪ، شڪيل سھتو،نازيا شڪور، شڪيل ميمڻ ،تلسي داس اسپورٽس ڊپٽي Deo اشرف شاعر ڊپٽي DEO سيڪنڊري پيار علي خواجا ،ڊپٽي Deo علي گرماڻي، پ ٽ الف اڳواڻ عمر ميمڻ،لطف الله ميمڻ، پپو ميمڻ، عباس ميمڻ ۽ ٻين چيو ته رائيٽ ٽو پلي ھميشه جيان ھيئر تمام بھترين پروگرام ڪيو آھي اسڪولي ٻارڙا مختلف رانديون کيڏي بھرپور انجواءِ ڪري رھيا آھن اسان جي ڪوشش پڙھائي سان گڏوگڏ ٻارن کي راندين ڏانھن پڻ متوجه ڪيو آھي اھڙا پروگرام ھر مھيني ٿيندا رھن ته ٻارڙن ۾ شعور پيدا ٿئي ٿو ۽ اھي منشيات ۽ ٻين شين کان بچي سگھن ٻارن جي ھمت افزائي لاء راند جي مقابلن ۾ کٽيندڙ ٻارڙن کي ميڊل، ڪپ، گفٽ ۽ ٻيا انعام پڻ تقسيم ڪيا ويا