سنڌ حڪومت پاران 20هين ۽ 21هين گريڊ جي آفيسرن جون مقرريون ۽ بدليون

197 views | 26th Oct 2023 • سنڌي خبرون

اليڪشن ڪميشن جي منظوري بعد نوٽيفڪيشن جاري

ڪراچي: سنڌ حڪومت پاران اليڪشن ڪميشن جي منظوري بعد 20هين ۽ 21هين گريڊ جي آفيسرن جون مقرريون ۽ بدليون
سنڌ حڪومت هيومن رائيٽس کاتي جي سيڪريٽري جاويد صبغت الله مهر کي عهدي تان هٽائي رپورٽ ڪرڻ جو حڪم ڏئي ڇڏيو، گهرو کاتي جي اسپيشل سيڪريٽري تحسين فاطمه کي بدلي ڪري هيومن رائيٽس ۾ سيڪريٽري مقرر ڪيو ويو
بورڊ آف روينيو جي ميمبر آر ايس اينڊ اِي پي شمشاد علي کي عهدي تان هٽائي رپورٽ ڪرڻ جو حڪم ڏنو ويو
پوسٽنگ جي انتظار ۾ ويٺل 20هين گريڊ جو عباس بلوچ بورڊ آف روينيو ۾ ميمبر آر ايس اينڊ اِي پي مقرر ڪيو ويو
زراعت کاتي جو سيڪريٽري رفيق مصطفي شيخ بدلي، کيس سوشل پروٽيڪشن ۾ سيڪريٽري مقرر ڪيو ويو
اليڪشن ڪميشن جي منظوري بعد سروسز کاتي جي اختيارين نوٽيفڪيشن جاري ڪري ڇڏيو