جماعت اسلامي پاران سيد گل محمد شاھھ جي لاڏاڻي تي ڏک جو اظھار

سنڌ ھڪ عالم اديب ، درويش ء عظيم انسان کان محروم ٿي وئي آھي: محمد حسين محنتي

ڪراچي (اسٽاف رپورٽر) جماعت اسلامي سنڌ جي امير محمد حسين محنتي سيد گل محمد شاه جي وفات تي گهري ڏک ۽ رنج جو اظهار ڪندي چيو ته سنڌ ھڪ عالم اديب ، درويش ء عظيم انسان کان محروم ٿي وئي آھي مرحوم هڪ سچو عاشق رسول، بهترين اديب ۽ شاعر هو، هو اسلام جو مجاهد، حق جي غلبي جي تحريڪ جو مسافر هو، سندس قلم ذريعي نثر ۽ نظم ۾ سيرت جو پيغام هن لاءِ آخرت ۾ صدقه جاريه ٿيندو. صوبائي امير مرحوم جي مغفرت، درجات جي بلندي ۽ سندس سموري خاندان لاءِ صبر جميل جي توفيق لاءِ دُعا پڻ ڪئي. هوڏانهن مرڪزي نائب امير مولانا اسدالله ڀٽو،ممتاز حسين سهتو،عبدالحفيظ بجاراڻي، مولانا حزب الله جکرو ۽ مجاهد چنا پڻ سيد گل محمد شاه گل بخاري جي اوچتي وفات تي دلي ڏک جو اظهار ڪيو آهي.#