سجاول ۾ عوامي تحريڪ جي سڏ تي سارين جي اگهن ۾ لاٿ ۽ ڌاري آبادڪاري خلاف احتجاج

جاتي چوڪ کان مرڪزي اڳواڻ پرويز ميمڻ، ضلعي صدر حسين آزاد ساگر مجيد پرھياڙ ۽ ٻين جي اڳواڻي ۾ ريلي ڪڍي وئي

سجاول (گلشيرميربحر) سجاول ۾ سارين جي اگهن۾ لاٿ ۽ ڌارين جي آبادڪاري خلاف عوامي تحريڪ جي سڏ تي جاتي چوڪ تي ريلي ڪڍي احتجاجي مظاھرو ڪيو ويو مظاھري کي عوامي تحريڪ جي مرڪزي اڳواڻ پرويز ميمڻ ضلعي صدر حسين آزاد ساگر مجيد پرھياڙ مجاھد ماليهو ۽ ٻين خطاب ڪندي چيو ته سجاول سميت سنڌ جي لاڙ پٽي ۾ مقامي واپارين ۽ ڪارخانيدارن ھڪ ھٽي ڪري سارين جا اگھ گهٽائي ڇڏيا آھن جنهنڪري آبادگار طبقو سخت مالي پريشاني ۾ مبتلا ٿي ويو آھي ھنن چيو ته ڊي سي سجاول آبادگارن مل مالڪن ۽ واپارين جي گڏيل فيصلي تي به واپاري عمل نٿا ڪن جيڪي گهٽ اگھ ڏيڻ سميت سارين ۾ وڏي ڪٽوتي ڪري رھيا آھن ھنن مطالبو ڪيو ته ڊي سي سجاول جي ڪيل فيصلي تي عمل ڪري سارين جو مقرر ڪيل اگھ ڏنو وڃي ھنن وڌيڪ مطالبو ڪيو ته وفاقي حڪومت جي حڪم تي عمل ڪري افغانين سميت سڀني ڌارين کي ملڪ مان نيڪالي ڏني وڃي