خيرپور: ڌاڙيل بيگو مري جي حملي ۾ پوليس اهلڪار شهيد، هڪ ڳوٺاڻو به مارجي ويو

ڌاڙيل ساٿين سميت حملو ڪيو، اهلڪار خادم ڄامڙو شهيد، علي محمد مري به مارجي ويو: پوليس

خيرپور: اڪنامڪ زون ٿاڻي جي حد ۾ بدنام ڌاڙيل بيگو مريءَ جو حملو، شديد فائرنگ جي نتيجي ۾ هڪ پوليس اهلڪار شهيد ۽ هڪ ڳوٺاڻو مارجي ويو، هڪ اهلڪار زخمي، لاش ۽ زخمي سول اسپتال خيرپور منتقل ٻڌايو پيو وڃي ته ڌاڙيل بيگو مري ۽ سندس ساٿين جي فائرنگ ۾ پوليس اهلڪار خادم ڄامڙو شهيد ٿي ويو جڏهن ته ڳوٺاڻو علي محمد مري مارجي ويو هڪ پوليس اهلڪار امتياز پنهور پڻ زخمي ٿي پيو واقعي جو اطلاع ملڻ کانپوءِ پوليس جي وڏي نفري واقعي واري هنڌ پهچي پوليس اهلڪار ۽ ڳوٺاڻي جي لاش سميت زخمي اهلڪار کي سول اسپتال خيرپور منتقل ڪري ڇڏيو آهي ٻڌايو پيو وڃي ته پوليس اهلڪار ڳوٺاڻي کي ساڻ ڪري حاضري لاءِ عدالت وڃي رهيا هئا ته ڌاڙيلن مٿن حملو ڪري ڏنو واضح رهي ته ڪجهه عرصو اڳ حملي ۾ مارجي ويل ڳوٺاڻي علي محمد مري جي ٻن پٽن عطر مري، شريف مري ۽ سالي غلام حسين عرف گامڻ مري کي پڻ ڌاڙيل بيگو مري فائرنگ ڪري قتل ڪيو هو جڏهن به نوجوان سانول مري کي زخمي ڪيو هو