سينئر قومپرست اڳواڻ ۽ سائين جي ايم سيد جي ويجهي ساٿي بشير شاهاڻي جي سن ۾ تدفين

192 views | 23rd Oct 2023 • سنڌي خبرون

بشير شاهاڻي جو مڙهه فجر ويل آمريڪا مان ڪراچي پهتو جتان سن آندو ويو، جنازي نماز ۾ جلال محمود شاهه، زين شاهه، ڊاڪٽر نياز ڪالاڻي، رياض چانڊيو ۽ ٻيا شريڪ

سن: سائين جي ايم سيد جي ويجهي ساٿي بشير شاهاڻي جو مڙهه آمريڪا کان ڏيهه آندو ويو، بشير شاهاڻي جو مڙهه ڪراچي ايئرپورٽ کان سندس وڏي پٽ بلاول شاهاڻي، منير حيدر شاهه ۽ ٻين سن منتقل ڪيو، جتي جنازي نماز بعد مڙهه مڙهه سائين جي ايم سيد جي قبر جي پيراندي کان مٽيءَ ماءُ حوالي ڪيو ويو، بشير شاهاڻي جي آخري رسمن ۾ سيد جلال محمود شاهه، سيد زين شاهه، رياض چانڊيو، ڊاڪٽر نياز ڪالاڻي ۽ ٻين قومپرست ۽ سياسي سماجي اڳواڻن شرڪت ڪئي، بشير شاهاڻي آمريڪا ۾ لاڏاڻو ڪري ويو هو، سندس وصيت موجب سن ۾ سائين جي ايم سيد جي پيراندي وٽ تدفين ڪئي وئي، صوفي راڳي مانجهي فقير پاران صوفي راڳ ڳائي بشير شاهاڻي کي ڀيٽا پيش ڪئي، جڏهن ته سندس لاڏاڻي سبب سن شهر مڪمل طور بند ٿي ويو