ملير: ابراهيم حيدري ٽائون ۾ تمام گهڻا ڪم ڪرائڻ جي ضرورت آهي: ٽائون چيئرمين نذير احمد ڀٽو

عوام لاءِ پهرين بجيٽ ۾ 76 ڪروڙ رپيا ترقياتي رٿائن لاءِ رکيا ويا آهن: ٽائون چيئرمين

ملير: ابراهيم حيدري ٽائون ميونسپل ڪارپوريشن جي چيئرمين نذير احمد ڀٽو ڊسٽرڪٽ پريس ڪلب ملير ۾ ميٽ دي پريس کي خطاب ڪندي چيو آهي ته ابراهيم حيدري ٽائون ملير ضلعي جو سڀ کان وڏو ٽائون آهي جتي ڪم ڪرڻ جي تمام گهڻي ضرورت آهي ابراهيم حيدري ٽائون جي عوام لاءِ پهرين بجيٽ ۾ 76 ڪروڙ رپيا ترقياتي رٿائن لاءِ رکيا ويا آهن جڏهن ته 2 ايمبولينس ۽ هڪ فائر برگيڊ گاڏي پڻ بجيٽ ۾ رکي وئي آهي هن چيو ته اسان جي اولين ترجيح صحت، تعليم، پيئڻ جو پاڻي عوام تائين پهچائڻ آهي عوام کي صحت جي مفت سهولت مهيا ڪرڻ لاءِ هر يوسي ۾ 2 ڊسپينسريون ۽ تعليم جي سهولت لاءِ 2 اسڪول تعمير ڪرايا پيا وڃن جڏهن ته پيئڻ جي پاڻي جي سهولت لاءِ واٽر سپلاءِ اسڪيمن کي اپ گريڊ ڪيو پيو وڃي ۽ پاڻي جون نيون لائينون وڇايون پيون وڃن ٽائون چيئرمين نذير احمد ڀٽو چيو ته محدود وسيلن باوجود عوام کي بنيادي سهولتون مهيا ڪيون پيون وڃن عوام اسان کي ووٽ ڏيئي ڪامياب ڪرايو آهي اسان جو فرض آهي ته عوام جا مسئلا حل ڪيون عوام کي بنيادي سهولتون مهيا ڪرڻ لاءِ ماسٽر پلان جوڙيو پيو وڃي انشاءَالله عوام جا سمورا مسئلا حل ڪيا ويندا ٽائون چيئرمين نذير احمد ڀٽو چيو ته پاڪستان پيپلزپارٽي عوام جي خدمت تي يقين رکي ٿي چيئرمين بلاول ڀٽو زرداري جي ويزن تي هلندي عوام جي خدمت جو عمل جاري رکيو ويندو هن چيو ته ميئر ڪراچي مرتضيٰ وهاب ابراهيم حيدري يوسي مان بنا مقابلي ڪامياب ٿيڻ ان ڳالهه جو ثبوت آهي عوام پاڪستان پيپلزپارٽي سان بي انتها محبت ڪري ٿي مرتضيٰ وهاب جي بنا مقابلي ڪاميابي پاڪستان پيپلزپارٽي جي فتح آهي جيڪا اسان لاءِ ۽ مرتضيٰ وهاب لاءِ هڪ اعزاز جي ڳالهه آهي هن چيو ته يوسي ابراهيم حيدري مان ميئر ڪراچي مرتضيٰ وهاب جي ڪامياب ٿيڻ سان ابراهيم حيدري جي عوام کي وڌيڪ بنيادي سهولتون ميسر ٿينديون ٽائون چيئرمين نذير احمد ڀٽو وڌيڪ چيو ته ملير پريس ڪلب مظلوم عوام جي ترجمان آهي ملير پريس ڪلب جي صحافين هميشه حق ۽ سچ لکيو آهي صحافين پاران مسئلن جي نشاندهي ڪرڻ سان اسان کي به ڄاڻ ملي ٿي جنهن سان عوام جا مسئلا حل ٿين ٿا صحافت ۽ سياست جو پاڻ ۾ ميلاپ آهي صحافت هڪ مقدس پيشو آهي صحافين کي قدر جي نگاهه سان ڏٺو ويندو آهي اسان جو فرض آهي ته صحافي برادري جا مسئلا حل ڪيون انشاءَالله ملير پريس ڪلب جي صحافين جا جيڪي به مسئلا پيش ڪيا ويا آهن انهن کي حل ڪرڻ جي ڪوشش ڪنداسين. ان موقعي تي ملير پريس ڪلب جي صدر مرتضيٰ چانڊيو ۽ جنرل سيڪريٽري حنيف سومرو پاران ٽائون چيئرمين نذير احمد ڀٽو، ٽائون ميمبرن علي گجر، نعيم عباسي، يوسف خٽڪ ۽ ٻين مهمانن کي سنڌ جي سوکڙي اجرڪ ۽ لونگي پارائي وئي ۽ کين ملير پريس ڪلب اچڻ تي ڀليڪار ڪيو.