چاھيون ٿا چونڊون وقت تي ٿين، انشاءَ الله پ پ ئي سوڀاري ٿيندي: ذوالفقار علي بهڻ

24 views | 16th Oct 2023 • سنڌي خبرون

فلسطين جي عوام تي ٿيندڙ ظلم جي سخت لفظن ۾ مذمت ڪيان ٿو، اسرائيلي جارحيت ختم ٿيڻ کپي

نوشهروفيروز(ڊ ر) اسان وقت تي چونڊون چاهيون ٿا انشاءَ الله سڄي ملڪ مان پيپلز پارٽي ڪامياب ٿيندي، فلسطين جي عوام تي ٿيندڙ ظلم جي سخت لفظن ۾ مذمت ڪيان ٿو۔ اهڙن خيالن جو اظھار پاڪستان پيپلزپارٽي جي اڳوڻي ايم اين اي ذوالفقار علي بهڻ صحافين سان ڳالهائيندي ڪيو۔ هن چيو ته اسرائيل جي دهشتگردي فوري طور بند ڪئي وڃي ۽ فلسطيني عوام کي تحفظ فراهم ڪيو وڃي۔ نوشھروفيروز اندر ٿيندڙ ترقياتي ڪمن جي باري ۾ ٻڌايو ته مون ڏيڍ سال ۾ رڪارڊ ترقياتي ڪم ڪرايا آهن منهنجي تڪ ۾ 14 سئو مسجدن، امام بارگاهن ۾ سولر لائيٽون لڳايون ويون آهن ۽ مختلف ڳوٺن ۾ پڻ اهڙو ڪم جاري آهي۔ هن چيو ته نوشهروفيروز، پڊعيدن، دريا خان، نورپور سميت مختلف علائقن ۾ پيور، سولر لائيٽ، فلٽر پلانٽ جي اسڪيمن تي ڪم جاري آهي. انشاءَ الله پيپلز پارٽي سڄي پاڪستان مان اليڪشن ۾ ڪامياب ٿيندي ۽ بلاول ڀٽو وزيراعظم ٿيندو۔