شڪارپور ۾ جيئي سنڌ محاذ جي مرڪزي سڏ تي افغانين جي نيڪالي لاءِ ريلي

رستم موڙ کان اسد اللھ سومرو، عمران منگي ۽ ٻين جي اڳواڻي ۾ گو افغاني گو ريلي ڪڍي وئي

شڪارپور (احسان ابڙو) جيئي سنڌ محاذ شڪارپور طرفان مرڪزي سڏ تي افغانين جي نيڪالي لاء سڄي سنڌ جيان شڪارپور ۾ به ڌاري آباڪاري خلاف شھر جي رستم موڙ کان گو افغاني گو ريلي ڪڊي وئي ريلي جي اڳواڻي جسم مرڪزي اڳواڻ اسدالله سومرو ، ڊويزنل اڳواڻ عمران منگي پاران ڪئي وئي ڪارڪنن طرفان سخت نعري بازي پڻ ڪئي وئي احتجاجي ريلي ۾ جسقم اڳواڻ سميع بلالي ، ايس ٽي پي اڳواڻ ڪامريڊ احسان جيهو ، قومي عوامي تحريڪ جو اڳواڻ امداد سومرو ، ايس يو پي اڳواڻ عبدالحليم مهر عبدالحق سهندڙو ، شھيد ڀٽو جو سعيد احمد سومرو ، جماعت اسلامي جو اڳواڻ ايڊوڪيٽ علي اصغر پهوڙ ، سول سوسائٽي جو اڳواڻ ميان ظفر علي علوي ، لکيدر پڙي ايسوسيئيشن جي صدر عبدالغفور دايو ، لاهوتي حڪيم محبت علي اعواڻ سوشل ايڪٽوسٽ بشير شر ، حقوق ڏيو تحريڪ جو اڳواڻ ولي پهوڙ سميت شھرين جسم ڪارڪنن طرفان ريلي ۾ ڀرپور شرڪت ڪئي وئي رستم موڙ کان نڪتل ريلي مين اسٽيشن روڊ کان ٿيندي لکيدر گهنٽا گهر پهتي جتي ڌرڻو لڳايو ويو انهي موقعي تي اڳواڻن خطاب ڪندي چيو ته سنڌ ۾ هاڻي ڌارين کي رهائڻ جي ڪائي به گنجائش ناهين افغاني سنڌ جي وسيلن تي بار بڻجي ويا آھن جيڪي ڌرتي جي وجود بقا لاء خطرو آھن هنن مطالبو ڪندي گهر ڪئي ته افغانين کي هڪدم پنهنجي ملڪ افغانستان موڪليو وڃي ته جيئن ڌرتيء تان ڌارين جو ٻوجھ لهي وڃي