ڪراچي: پيپلز پارٽي جي اڳوڻي ايم پي اي سعديه جاويد جي گهر ۾ ڪروڙين روپين جي چوري

فاطمھ نالي نوڪرياڻي ڀيڻ سان گڏجي ڪروڙين روپين جي چوري ڪري فرار ٿي وئي: سعديھ جاويد

ڪراچي: پاڪستان پيپلز پارٽي جي اڳوڻي ايم پي اي سعديه جاويد جي گهر ۾ چوري جو وڏو واقعو

گهريلو ملازمه 90 لکن جو سون ۽ روڪ رقم چوري ڪري فرار ٿي وئي, واقعي جو ڪيس درخشاں ٿاڻي تي داخل ڪيو ويو

اڳوڻي ايم پي اي سعديھ جاويد جو چوڻ آھي تھ 20 سيپٽمبر تي فاطمه نالي هڪ نوڪرياڻي رکيم،

نوڪرياڻي پنهنجي ڀيڻ ۽ ماءُ کي پاڻ سان وٺي ايندي هئي، 6 آڪٽوبر تي هوءَ پنهنجي ڀيڻ سان گڏ صبح جو ڪم تي آئي،

ڪم کان پوءِ هوءَ سوا ٽي وڳي واپس وئي 7 آڪٽوبر تي مون کي خبر پئي ته گهران چوري ٿي وئي آھي

سعديه جاويد چيو تھ گهر مان 85 لک جو سون ۽ 5 لک روڪ رقم چوري ٿي، ھيڏي وڏي واردات باوجود ايس ايڇ او ٽن ڏينهن کانپوءِ مون سان مليو،

ايم پي اي هئڻ جي باوجود پوليس جو رويو اهڙو ئي رهيو، عام ماڻهن سان پوليس جو ڪهڙو رويو هوندو

پوليس موجب سعديه جاويد جيڪا نوڪرياڻي رکي، ان جو انهن وٽ ڪو رڪارڊ ئي ناهي، سعديه جاويد نوڪرياڻي کان سڃاڻپ ڪارڊ به نه ورتو،

نوڪرياڻي جي اصل نالي جي خبر به ناهي، ان پنهنجو نالو فرضي ٻڌايو، گهريلو ملازمه جي تلاش جاري آهي، کيس جلد گرفتار ڪيو ويندو،

ماڻهن کي نوڪرياڻيون رکڻ مهل احتياط ڪرڻ گهرجي، نوڪرياڻين جي ويريفڪيشن ڪرائڻ گهرجي،