مختلف پرائمري اسڪولن جي مرمت سميت گھربل سھولتون مھيا ڪيون پيون وڃن: جواد حيدر خواجه
سجاول (گلشيرميربحر) سنڌ جي ساحلي علائقي سجاول ۾ تعليم جي واڌاري لاء تعليم کاتي سان گڏوگڏ پاڪستان نيوي ڀرپور ڪردار ادا ڪري رھي آھي ، مختلف پرائمري اسڪولن جي مرمت سميت گھربل سھولتون مھيا ڪيون پيون وڃن ، انھن اسڪولن مان ھڪ گورنمينٽ پرائمري اسڪول قادر ڏنو شاه سيد پور شامل آھي جنھن جو پاڪ نيوي جي ڪموڊوز جواد حيدر خواجه افتتاح ڪيو ، افتتاح جي تقريب کي خطاب ڪندي ڪموڊوز پاڪ نيوي جواد حيدر خواجه چيو ته پاڪستان نيوي مختلف وقتن تي امدادي ۽ فلاحي ڪم ڪرڻ سميت تعليم جي واڌاري لاء پرعزم آھي ، پاڪ نيوي سجاول ۾ ڪيڊٽ ڪالج جي تعمير جو ڪم پڻ جلد شروع ڪيو ويندو ،ان کان علاوہ پاڪ ميرين ھيڊ ڪوارٽر سجاول لڳ بحريه ماڊل اسڪول جو ڪم مڪمل ڪيو ويو آهي ھن سجاول جي عوام کي پيغام ڏيندي چيو ته پنھنجي معصوم ٻارڙن کي وڌ کان وڌ تعليم ڏيارين ته جيئن پاڪستان جو نالو روشن ٿي سگھي،، جڏهن ته تقريب ۾ اسڪول جي استادن چوڻ ھو ته پاڪستان نيوي جي سھڪار سان اسان کي گھربل شيون ملي رھيون آھن ، افتتاح جي تقريب ۾ ڊي اي او پرائمري عنايت الله کٽي ، ڊي اي او سيڪنڊري پيار علي خواجه ، ليفٽننٽ ڪمانڊر عذير شاھ سميت پاڪ نيوي جا عملدار پڻ موجود ھئا
0 تبصرے