سوڀوديرو ويجھو پسند جو پرڻو ڪندڙ جوڙي پاران تحفظ لاءِ احتجاج

حياتي کي خطرو آھي، نوٽيس وٺي تحفظ ڏنو وڃي: جوڙو

سوڀوديرو (رپورٽر) سوڀوديرو لڳ ڳوٺ الاھي بخش انڙ جي پريمي جوڙي ڪائنات ڌي انورعلي عمراڻي ويٺل ڄامشورو پنھنجي پريمي مڙس جبار علي ناريجو سان گڏ ميڊيا وارن اڳيان احتجاج ڪيو. ناري ڪائنات عمراڻي دانھيندي چيو ته منھنجا وارث لالچي قسم جا ماڻھن آھن جن مون کي زبردستي ٻئي ھنڌ پرڻائڻ پئي چاھيو مان وجھ وٺي پنھنجي پريمي مڙس جبار ناريجو سان پنھنجي رضا خوشي سان شريعت موجب جسٽس آف پيس خيرپور جي عدالت ۾ ھڪ اڳ پسند جو پرڻو ڪيو آھي ۽ تحفظ لاء سيشن جج خيرپور جي عدالت ۾ درخواست داخل ڪئي آھي جتي منھنجا وارث نه ٿا اچن منھنجا وارث پيء انور علي عمراڻي۔ڀاء نعيم۔ماما بخشل۔قلندر بخش۔ھاشم۔رستم۔آچر۔چاچا پيرل۔ماسڙ وزير عمراڻي اسان جي جان جا دشمن بنجي چڪا آھن جيڪي مون کي ۽ منھنجي مڙس کي قتل ڪرڻ جون سازشون ٺاھي رھيا آھن ۽ مڙس جي عزيزن کي ڪوڙن ڪيسن جون ڌمڪيون ڏين پيا اسان کي ھراسان ڪري رھيا آھن اسان لڪي ڇپي درپدري واري زندگي گذارڻ تي مجبور آھيون پريمي جوڙي آء جي سنڌ۔ڊي آء جي سکر۔ايس ايس پي خيرپور کان مطالبو ڪيو ته ڌمڪيون ڏيندڙن خلاف قدم کڻي تحفظ فراھم ڪيو وڃي.