ميرپورخاص شھر ۾ منشيات جو وڪرو جاري، ڏومن تي بھ ضابطو نھ اچي سگھيو

چار مينار چوڪ تي صحافين پاران قائم اوپن پريس ڪانفرنس ڊيسڪ ۾ سياسي سماجي ڌرين پاران بدامني جون شڪايتون

ميرپورخاص (بيورو رپوررٽ) ميرپورخاص جا شهري منشيات چوري ۽ ڦر جي روزاني ڏوهن خلاف اٿي کڙا ٿي ويا. چار مينار چوڪ تي صحافين پاران قائم ڪيل اوپن پريس ڪانفرنس ڊيسڪ ۾ سماجي، سول سوسائٽي ۽ انساني حقن جي اڳواڻن ڀرپور پريس ڪانفرنس ڪئي. سماجي اڳواڻن چيو ته انتظاميا ۽ پوليس اهلڪارن جي مڪمل بدلي باوجود ميرپورخاص جو امن امان برقرار نه ٿي سگهيو آهي. چوريون ۽ ڌاڙا روز جو معمول بڻجي ويا آهن. شهرين ۾ خدشو آهي ته سمورن آفيسرن جي بدلي ٿيڻ باوجود شهر جي اها حالت آهي، جنهن مان ثابت ٿئي ٿو ته جن طاقتور آفيسرن جي اڃا تائين بدلي نه ڪئي وئي ا آهي اھا ڪارگزاري انھن جي آھي ، ان ڪري شهرين اعليٰ اختيارين کان مطالبو ڪيو آهي ته پراڻن آفيسرن کي فوري طور تي تبديل ڪيو وڃي، جڏهن ته سياسي حلقن ۾ پڻ خدشو آهي ته جيڪڏهن اهي آفيسر برقرار رهيا ته شفاف چونڊون ٿيڻ ممڪن نه آهي. مٿيان آفيسر هڪ وڏي سياسي پارٽي جا سهولتڪار بڻجي ويا آهن ـ