بدين ضلعي ۾ سارين جو اگهه گهٽجڻ ۽ ناجائز ڪٽوتي خلاف سيراڻي ۾ احتجاج

آبادگارن ۽ هارين پاران احتجاج ڪيو ويو، سارين جو مناسب اگهه ڏيڻ جو مطالبو

سيراڻي: بدين ضلعي سميت سيراڻي شهر ۽ ڀرپاسي وارن علائقن ۾ رائيس مل مالڪان ۽ واپارين پاران هڪ هٽي قائم ڪري سارين جي في مڻ تي ٽي کان پنج ڪلو تائين ناجائز ڪٽوتي ڪرڻ ۽ سارين جو مناسب اگھ نه ملڻ خلاف بدين جي سامونڊي پٽي جي آبادگارن ۾ بشير نوتڪاڻي،رضا شاھ،عبدالشڪور نهڙيو،شاهد نوتيار،عزيزالله ڏيرو،غفور چانڍيو،ڊاڪٽر نواز بلوچ،فتح چانگ،حاجي عبدالله چانگ،اسلم ملاح،ننگر خاصخيلي،علي نواز ۽ ٻين احتجاج ڪندي چيو تہ بدين ضلعي جي رائيس ملن مالڪان ۽ ننڍن شهرن ۾ واپاري آبادگارن سان ظلم ڪري رهيا آهن ڏينهون ڏينهن سارين جو اگھ گهٽائي رهيا آهن 1500 تائين سارين جي اگھ ۾ لاٿ ڪري ڇڏي آهي سارين جي في مڻ تي ٽي کان پنج ڪلو ناجائز ڪٽوتي ڪري رهيا آهن ۽ اسان کان واپاري سارين جو في مڻ 42 ڪلو جو وزن وٺي رهيا آهن هنن وڌيڪ چيو تہ اسان اعليٰ اختيارين ۾ ڊي سي بدين کان گهر ٿا ڪريون تہ آبادگارن سان ظلم ڪندڙ مل مالڪان ۽ واپارين خلاف قانوني ڪاروائي ڪري آبادگارن سان انصاف ڪيو وڃي ۽ 4500 في مڻ تائين خريد ڪندڙ سارين جي اگھ واپارين پاران هٿرادو لاٿل اگھ جو نوٽيس وٺي 4500 في مڻ اگھ تي عمل ڪرايو وڃي ۽ سارين جي ناجائز ڪٽوتي بند ڪئي وڃي نه ته ٻئي صورت ۾ اسان احتجاج جو دائرو وڌائينداسين.