سجاول ضلعي ۾ افغانين خلاف ڪريڪ ڊائون شروع، پوليس 2 ڄڻن کي گرفتار ڪري ورتو

views | 07th Oct 2023 • سنڌي خبرون

مختلف ڏوهن ۾ گهربل 2 افغاني پٺاڻن کي گرفتار ڪيو ويو آھي: ايس ايس پي سجاول شهلا قريشي

سجاول (گلشيرميربحر) سجاول ضلعي ۾ افغاني پٺاڻن خلاف ڪريڪ ڊائون شروع ڪيو ويو آهي مختلف ڏوهن ۾ گهربل 2 افغاني پٺاڻ گرفتار ڪيا آهن عوام پوليس جو ساٿ ڏي سجاول ضلعي مان منشيات ۽ مختلف ڏوهن جو خاتمو آڻي ڇڏينداسين ايس ايس پي سجاول شهلا قريشي ,ايس ايس پي سجاول شهلا قريشي دڙو لڳ رٽا سومرو ۾ کلي ڪچهري دؤران عوام جون شڪايتون ۽ مسئلا ٻڌا ميڍيا سان خصوصي ڳالھ ٻول ڪندي چيو ته عوام پوليس جو ساٿ ڏي ضلعي سجاول مان ڏوهن جو خاتمو آڻي ڇڏينداسين منشيات فروشن کي ڪنهن به صورت ۾ بخش نه ڪيو ويندو سندن گهيرو تنگ ڪيو ويو آهي سجاول ضلعي کي منشيات کان پاڪ ڪيو ويندو هن چيو ته افغاني پٺاڻن خلاف ڪريڪ ڊائون شروع ڪيو ويو آهي مختلف ڏوهن ۾ گهربل ٻن افغانين کي گرفتار ڪيو ويو آهي عوام سندن موجودگي جو اطلاع ڏي هن چيو ته معصوم ٻارن تي تشدد ۽ ساڻن جنسي ڏاڍائي ڪندڙ وحشي درندن کي ڪنهن به صورت ۾ بخش نه ڪيو ويندو والدين پنهنجي ٻچن کي تعليم ڏياري سندن مستقبل سنوارين هن چيو ته سجاول ضلعي ۾ ڏوهارين ۽ منشيات فروشن خلاف پلان جوڙيو ويو آهي عوام جي جن ۽ مال جي حفاظت ڪرڻ اسان جو فرض آهي ان موقعي تي ڳوٺاڻن داؤد سومرو رشيد آزاد سومرو نظير سومرو حاجي خان عباسي ڪامريڊ عزيز سومرو شوڪت سومرو فقير عثمان سومرو محمد يوسف ابڙالي صالح سومرو ماما صديق سومرو ۽ ٻين مسئلا ٻڌايا کيس اجرڪن جا تحفا پيش ڪيا ۔۔