ڪنڌڪوٽ ۾ جسقم جساف طرفان سڪرنڊ سانحي خلاف احتجاجي مظاهرو

77 views | 02nd Oct 2023 • سنڌي خبرون

اڳواڻن ۽ ڪارڪنن سڪرنڊ سانحي پوليس جو ماڙي جلباڻي ۾ سنڌي ماڻهن جي قتلام خلاف شديد نعري بازي ڪئي

ڪنڌڪوٽ(رپورٽر)ڪنڌڪوٽ ۾ جسقم جساف طرفان سڪرنڊ سانحي خلاف احتجاجي مظاهرو ڪيو ويو.اڳواڻن ۽ ڪارڪنن سڪرنڊ سانحي پوليس جو ماڙي جلباڻي ۾ سنڌي ماڻهن جي قتلام خلاف شديد نعري بازي ڪئي.ان موقعي تي اڳواڻن والي ڏنو سنڌي حفيظ سنڌي بشير خان رفيق لاشاري ۽ ٻين جو چوڻ هو ته ماڙي جلباڻي ۾ پوليس ۽ رينجرز جي چڙهائي دوران فائرنگ ۾ بي گناه مارجي ويل ڳوٺاڻن جي قاتلن کي ڪابه سزا نه اچي سگهي آهي ۽ نه ئي جوابدارن خلاف ڪيس داخل ٿي سگهيو آهي هنن چيو ته سانحي ۾ ملوث جوابدارن کي ڪيس ۾ نالا ظاهر ڪري سخت کان سخت سزا ڏني وڃي ٻي صورت ۾ سنڌ اندر احتجاجي تحريڪ جو سلسلو جاري رهندو.