فنانس ڊپارٽمينٽ پاران ڊپٽي ڪمشنر آفيس شڪارپور ۾ کلي ڪچهري منعقد

سرڪاري ملازمن جي مسئلن کي جلد کان جلد حل ڪرڻ جي ڪوشش ڪئي ويندي: ايڊيشنل فنانس سيڪريٽري

شڪارپور (احسان ابڙو)فنانس ڊپارٽمينٽ پاران ڊپٽي ڪمشنر آفيس شڪارپور ۾ کلي ڪچهري منعقد سرڪاري ملازمن جي مسئلن کي جلد کان جلد حل ڪرڻ جي ڪوشش ڪئي ويندي. ايڊيشنل فنانس سيڪريٽري، تفصيل موجب فنانس ڊپارٽمينٽ پاران سرڪاري ملازمن جي پينشن ۽ ٻين مسئلن کي ٻڌڻ ۽ ان جي فوري حل لاءِ ڊپٽي ڪمشنر آفيس شڪارپور ۾ کلي ڪچهري منعقد ڪئي وئي. جنهن ۾ ايڊيشنل فنانس سيڪريٽري غلام علي سومرو، ڊپٽي ڪمشنر شڪارپور الطاف احمد چاچڙ، ڊي آءِ جي ٽريزري اقبال احمد شيخ اسسٽنٽ اڪائونٽنٽ جرنل سنڌ آغا شهريار خان، ڊسٽرڪٽ اڪائونٽس آفيسر شڪارپور سجاد احمد شيخ، ايڊيشنل ڊسٽرڪٽ اڪائونٽس آفيسر شڪارپور ربنواز سانڊاڻو، اڪائونٽس آفيسر مظهر حسين ۽ ٻيا متعلقه عملدار پڻ موجود هئا. کليل ڪچهريءَ سان ڳالهائيندي ايڊيشنل فنانس سيڪريٽري غلام علي سومرو چيو ته فنانس ڊپارٽمينٽ جي طرفان سرڪاري ملازمن جي مسئلن کي حل ڪرڻ لاءِ سنڌ جي مختلف ضلعن ۾ کليل ڪچهريون منعقد ڪيون ويون آهن. هن وڌيڪ چيو ته خصوصن پينشنرن جا مسئلا آهن انهن کي جلد کان جلد حل ڪرڻ جي ڪوشش ڪبي. ايڊيشنل فنانس سيڪريٽري چيو ته اڄ اسان هتي تقريبن چاليهن رٽائرڊ ۽ حاضر سروس ملازمن جا مسئلا ٻڌا آهن جن ۾ ايڊيوڪيشن، ايگريڪلچر، پوليس، روينيو، سوشل ويلفيئر ۽ ٻين ادارن جا ملازم شامل آهن، انهن جا مسئلا ٻڌا ۽ انهن کي حل ڪرڻ لاءِ هدايتون جاري ڪيون آهن.