ڪراچي ۾ شھيد ذوالفقار علي ڀٽو يونيورسٽي آف لا زيبل يونيورسٽي جي فيسن ۾ واڌ خلاف احتجاج

شاگردن ۽ وڪيلن پاران زيبل مين ڪئمپس کان ڪراچي پريس ڪلب تائين لانگ مارچ ڪري احتجاج ڪيو ويو

ڪراچي(اسٽاف رپورٽر) ڪراچي ۾ شھيد ذوالفقار علي ڀٽو يونيورسٽي آف لا زيبل يونيورسٽي جي فيسن ۾ واڌ خلاف شاگردن ۽ وڪيلن پاران احتجاجي مظاھرو ڪيو ويو، يونيورسٽي انتظاميه جي شاگرد دشمن ۽ غير دستوري پاليسين خلاف زيبل مين ڪئمپس کان ڪراچي پريس ڪلب تائين لانگ مارچ، نعريبازي ، ڪراچي پريس ڪلب آڏو مظاهري ۾ هاءِ ڪورٽ بار ۽ ڪراچي بار جي عهديدارن به شرڪت ڪئي، فيس ۾ 50 سيڪڙو اضافو واپس ورتو وڃي، احتجاج ڪندڙن جو مطالبو، مظاھرين جو چوڻ ھو تھ قانون جي شاگردن کي هاسٽل ۽ پڪ اپ اينڊ ڊراپ جون سهولتون ڏنيون وڃن، وڪيل اڳواڻن جو چوڻ ھو تھ زيبل جي شاگردن کي ھاسٽل، بسون، ضرورت مندن لاء اسڪالر شپس، ڪانووڪيشن، ڪيفيٽيريا، تعليم جو معيار، لائبريري ۾ ڪتابن جي کوٽ کي فوري طور مڪمل ڪيو وڃي، اسان پنھنجي حقن خاطر ڳالھين لاء تيار آھيون، اسان پنھنجي بنيادي حقن تي ڪڏھن به سمجهوتو نه ڪنداسين.