سجاول جي پيٽرول پمپن تي من پسند ريٽ مقرر، شھري پريشان

پيٽرول پمپن تي منپسند ريٽ مقرر ڪري شھرين کي ٻنھي ھٿن سان لٽڻ لڳا

سجاول:(رپورٽر:) انڌير نگري چرٻٽ راج سجاول جي پيٽرول پمپن تي منپسند ريٽ مقرر ڪري شھرين کي ٻنھي ھٿن سان لٽڻ لڳا پتڻ ناڪي تي قائم حيسڪول پئٽرول پمپ ۽ چوھڙ روڊ تي قائم شيل پيٽرول پمپ تي 332.75 ريٽ مقرر آھي جڏھن ته قاسمي پيٽرول پمپ ٽوٽل پيٽرول پمپ تي 333روپيہ ريٽ مقرر ڪري شھرين کان 25 پئسا وڌيڪ اگھ ورتو وڃي پيو سجاول جي شھرين قاسمي پيٽرول پمپ جو مالڪ حاجي غني ميمڻ في ليٽر پيٽرول تان 25 پئسا اضافي وٺي شھرين جو وڏو نقصان ڪري رھيو آھي روزاني پمپ جي سيل 20 ھزار ليٽر کان مٿي آھي 20 ھزار ليٽر جي حساب سان روزانا 5 ھزار روپيا اضافي وصول ڪيا وڃن پيا مھيني ۾ ھڪ لک پنجاھ هزار روپيا ٿين ٿا جڏھن ته ماپ ۾ گھٽتائي ڪري لکين روپين جي ڪرپشن الڳ سان ڪئي ويندي آھي ضلع انتظاميا خاموش تماشائي بڻيل آهي ڪجھ ڏينهن پھرين اي سي سجاول مختيارڪار سجاول پيٽرول پمپن تي ماپ جو جائزو ورتو ھو جنھن ۾ فقط 25 ھزار ڏنڊ وڌو ويو ھو جڏھن ته پمپ مالڪ ماپ گھٽتائي ۾ روزانا 100ليٽر پيٽرول جي مدہ ۾ ڪرپشن ڪري رھيو آھي سجاول جا پمپ مالڪ شھرين کي ٻنھي ھٿن سان لٽڻ ۾ مصروف آھن ڪجھ ڏينهن پھرين واپارين خلاف ڪارروائي ڪئي وئي ھئي پر ضلع انتظاميا واپارين اڳيان بيوس بڻيل آهي واپارين احتجاج جو چتاءُ ڏئي ضلع انتظاميه کي پنھنجو ن ناجائز ڊمانڊون پوريون ڪرائي ڇڏيون،حاجي عبدالغني ميمڻ پمپ مالڪ سان گڏ ذخيرو اندوزي ڪندڙ واپاري آھي اڳوڻي اسسٽنٽ ڪمشنر صائمه فاطمه سندس گدامن تي ڇاپا ھنيا ھئا وڏي تعداد۾ ڀاڻ جو ذخيرو ھٿ ڪري سرڪاري اگھ تي وڪرو ڪرايو ھو ان وقت به اسسٽنٽ ڪمشنر سجاول فاطمه صائمه احمد جي ٽوڪن ڏيڻ کان پوء ھن واپاري سرڪاري اگھ تي ڀاڻ ڏيڻ کان انڪار ڪري ڇڏيو ھو ۽ آباد گارن کان ورتل رقم واپس ڪري ڇڏيائين ھن وقت پيٽرول جي مدھ ۾ سرعام وڌيڪ ريٽ وٺي ناجائز منافع خوري ڪري رھيو آھي انتظاميا ھنن خلاف ڪارروائي ڪرڻ کان قاصر آھي انتظاميا کي گھرجي ته ذخيره اندوزي ڪندڙن ۽ وڌيڪ اگھ وٺندڙ واپارين خلاف ايڪشن وٺي عوام کي رليف ڏيارين ۽ شھر ۾ ريٽ لسٽون جاري ڪن ته عوام ريٽ لسٽون تحت پنھنجي ضرورت واريون شيون وٺن