وڳڻ ۽ ڀرپاسي چوپايو مال گھوگھي ۽ ٻين بيمارين ۾ مبتلا

مختلف ڳوٺن ۾ 300 کان وڌيڪ جانورن کي گھوگھي ۽ ٻين بيمارين کان بچاءَ جي ويڪسين ڪئي وئي

وڳڻ(رپورٽر) لائيو اسٽاڪ کاتي پاران وڳڻ ۽ ڀرپاسي جي ڳوٺن ۾ چوپائي مال کي گھوگھي بيماري کان بچاءَ لاءِ ٽيمون موڪلي جانورن ۾ ٽڪا لڳايا ويا 300 کان وڌيڪ جانورن کي ويڪسين ڪئي وئي ان ڏس ۾ لائيو اسٽاڪ کاتي ضلعي قمبر شھدادڪوٽ جي ايڊيشنل ڊائريڪٽر حبيب الله انصاري ۽ ڊپٽي ڊائريڪٽر ڊاڪٽر ذوالفقار شيخ جي خاص ھدايتن تي وٽرنري اسپتال تعلقي نصيرآباد جي انچارجڊاڪٽر اعجاز جوڻيجو جي اڳواڻي ۾ وڳڻ ۽ ڀرپاسي جي ڳوٺن ٿرڙي ھاشم جاڙا واھوچا چئوديرو دوست محمد لنجواڻي ڳوٺ ۾ پھچي 300 کان وڌيڪ جانورن کي گھوگھي ۽ مختلف بيمارين کان بچاءَ جي ويڪسين ڪئي وئي ۽ مالوندن کي گھوگھي بيماري جي بچاءّ جا اپاءّ ٻڌايا ويا ان حوالي سان لائيو اسٽاڪ کاتي ضلعي قمبر شھدادڪوٽ جي ايڊيشنل ڊائريڪٽر حبيب الله انصاري ڊپٽي ڊائريڪٽر ڊاڪٽر ذوالفقار شيخ نصيرآباد تعلقي جي انچارج ڊاڪٽر اعجاز علي جوڻيجي محمد روشن سوھُو محمد عثمان ۽ روشن علي ڪانڌڙو ٻڌايو ته موسمي ڦيرگير سبب چوپائي مال ۾ گھوگھي جي بيماري فھلجڻ جو انديشو آھي ۽ اھڙا ڪجھ ڪيس رپورٽ پڻ ٿيا آھن جنھن ۾ جانورن کي گھوگھي بيماري جي تصديق ٿي آھي ان بيماري تي ضابطي لاءّ لائيو اسٽاڪ کاتي قمبر فورن نوٽيس ورتو آھي ۽ نشاندھي ڪيل علائقن ۾ وٽرنري ٽيمون موڪلي ڇڏيون آھن ان سلسلي ۾ وڳڻ ۽ آسپاس جي ڳوٺن ۾ 300 بيمار ڍورن ۾ بيمارين جون علامتون ظاھر ٿيڻ تي بچاءّ جا ٽڪا لڳايا ويا آھن ۽ ڀاڳين کي بيمارين بچاءّ جون تدبيرون پڻ ٻڌايون ويون آھن جنھن ۾ بيمار ڍورن ۾ وچڙندڙ بيمارين جي صورت ۾ بيمار ڍور کي الڳ ڪيو وڃي جيئن ٻيا جانور گھوگھي سميت ٻئي بيمارين جو شڪار نه ٿين علائقي جي ڀاڳين کي هدايت پڻ ڪئي آھي ته جانور بيمار هجڻ جي صورت ۾ کين فوري طور ڄاڻ ڏني وڃي.