عام چونڊن جي تيارين بابت ٺٽي ۽ سجاول ضلعن جي ماسٽر ٽرينرن جو ٻن ڏينهن وارو تربيتي ورڪشاپ شروع

ٺٽي ضلعي جي 12 ماسٽر ٽرينرن ۽ سجاول ضلعي جي 11 ماسٽر ٽرينرن کي چونڊ معاملن بابت تربيت ڏني پئي وڃي: عذرا مھيسر

ٺٽو( محمد شفيق ڀٽي) عام چونڊن جي تيارين بابت ٺٽي ۽ سجاول ضلعن جي ماسٽر ٽرينرن جو ٻن ڏينهن وارو تربيتي ورڪشاپ شروع، اليڪشن ڪميشن آف پاڪستان جي هدايت تي پوري مُلڪ جيان ٺٽي ۽ سجاول ضلعن جي ماسٽر ٽرينرن جو ٻن ڏينهن وارو تربيتي ورڪشاپ اليڪشن ڪميشن پاران مقرر ڪيل ليڊ ٽرينر عذرہ مھيسر جي سربراھي ۾ دربار هال مڪلي ۾ شروع ٿي ويو آھي جيڪو 22 سيپٽمبر 2023 تائين جاري رھندو جنھن ۾ ٺٽي ضلعي جي 12 ماسٽر ٽرينرن ۽ سجاول ضلعي جي 11 ماسٽر ٽرينرن کي چونڊ معاملن بابت تربيت ڏني پئي وڃي. ان موقعي تي عذرا مهيسر چيو ته تربيت يافته ماسٽر ٽرينر تربيت حاصل ڪرڻ بعد ھو پولنگ آفيسرن ۽ عملي کي تربيت ڏيندا ته جيئن پولنگ جو عمل بهتر طريقي سان انجام ڏئي سگهن ۽ کين ڪنهن به قسم جي پريشاني کي منهن ڏيڻو نه پوي. ليڊ ٽرينر عذرا مهيسر چيو ته صاف، شفاف، منصفاڻہ ۽ غيرجانبدار چونڊون ڪرائڻ اليڪشن ڪميشن جي اولين ذميواري آهي. هن چيو ته چونڊن جي جهموري عمل کي مڪمل ڪرڻ لاءِ عملي جي تربيت تمام ضروري آهي ته جيئن چونڊون خوش اصلوبي سان مڪمل ٿي سگهن. ان موقعي تي اليڪشن ڪميشن ۽ تعليم کاتي جا عملدار پڻ ھئا