ميرپورماٿيلو ۾ گھوٽڪي يونين آف جرلسٽس جو جان محمد مھر جي قاتلن جي گرفتاري لاءِ احتجاج

صحافي جان محمد مھر کي حق سچ لکڻ تي شھيد ڪيو ويو، سندس مک قاتل گرفتار ناھن ٿي سگھيا: اڳواڻ

ميرپورماٿيلو (رپورٽر) ميرپور ماٿيلو گھوٽڪي يونين آف جرنلسٽس پاران سکر جي شھيد صحافي جان محمد مھر جي قاتلن ۽ سھولتڪارن جي عدم گرفتاري خلاف سکر يونين آف جرنلسٽس جي سڏ تي ڊسٽرڪٽ ھيڊ ڪوارٽر شھر ميرپور ۾ ڊي ايڇ ڪيو پريس ڪلب آڏو گھوٽڪي يونين آف جرنلسٽس جي جنرل سيڪريٽري تاج ٽانوري ، حاڪم خان ابڙو ، جي اڳواڻي ۾ احتجاجي مظاهرو ڪري علامتي بک ھڙتالي ڪئمپ منعقد ڪئي وئي جنھن ۾ سول سوسائٽي ، شھرين ، ۽ وڏي انگ ۾ صحافين شرڪت ڪئي شرڪت ڪندڙن ۾ تاج ٽانوري ، حاڪم خان ابڙو ، عطاءُ حسين سومرو ، عبدالحميد ابڙو ، حاجي محمد مھر ، سردار ابڙو ، ظفر علي لاشاري ، علي گوھر گبول ، عبداللطيف لغاري ، شبير ڀٽي ، عبدالجبار حسيني ، ثاقب نصير گڏاڻي ، نعيم مشوري ، علي حسن چڊھڙ ، اياز کھاوڙ ، طارق گبول ، ھمت بوزدار ، رضوان ڀٽو ، ايڊووڪيٽ رميش ڪمار بي ايم ، نويد چغتائي ، عمران ملڪ ، عقيل ڪانڃون ، شعيب لغاري ، رياض احمد آرائين ، ، الله وسايو وسير ، قاضي اظھار علي ڪلوڙ ،ظھير وسير ، ظفر اقبال ، غلام حسين سومرو ، حافظ نعيم ڪولاچي ، وقار بوزدار ، معشوق ڇڄڻ ، عبدالغفار ، عابد حسين ، سراج لاشاري ، شاھد حسين ، فھيم ڀٽو ، عطاءُ حسين ، تنوير احمد ، ۽ ٻين شرڪت ڪئي ان موقعي تي سمورن صحافين نگران وزير اعلي سنڌ آئي جي سنڌ ڊي آء جي سکر ايس ايس پي سکر کان پرزور مطالبو ڪندي گھر ڪئي آهي ته شھيد صحافي جان محمد مھر جي قاتلن ۽ سھولتڪارن کي فوري طور تي گرفتار ڪري شھيد جي خون سان انصاف ڪيو وڃي ٻي صورت ۾ سموري سنڌ جي ضلعن جا صحافي پاڪستان فيڊرل يونين آف جرنلسٽس مرڪز ۽ سکر يونين آف جرنلسٽس جي اڳواڻي ۾ احتجاج جو سلسلو ان وقت تائين جاري رکيو ويندو جيستائين شھيد صحافي جان محمد مھر جي قاتلن ۽ سھولتڪارن کي گرفتار نٿو ڪيو وڃي اسان جي جدوجھد شھيد جان محمد مھر جي قاتلن کي ڪيفر ڪردار تائين پھچائڻ تائين جاري رهندي ،