نوشهروفيروز ۾ سماجي تنظيم پهل پاڪستان پاران انساني حقن بابت ورڪشاپ منعقد

ورڪشاپ ۾ ذويا لاڙڪ , لالا حسن پٺاڻ , غلام مرتضا ڀٽي , اظهر نواز وڳڻ ۽ ٻين پاران آگاھي ڏني وئي

نوشهروفيروز (ڊ ر) نوشهروفيروز جي مقامي هوٽل ۾ سماجي تنظيم پهل پاڪستان پاران انساني حقن بابت هڪ روزه ورڪشاپ ڪوٺايو جنهن ۾ نوجوانن ۽ نوجوان نياڻين کي انساني حقن جو تحفظ ڪيئن ڪجي ۽ اهي ڪيئن حاصل ڪري سگهجن ٿا ان حوالي سان ڄاڻ ڏني وئي ان موقعي تي تنظيم جي ضلعي ڪوآرڊينيٽر ميڊم ذويا لاڙڪ , لالا حسن پٺاڻ , غلام مرتضا ڀٽي , اظهر نواز وڳڻ خطاب ڪندي چيو ته اسان جي تنظيم سنڌ جي 15 کن ضلعن ۾ ڪم ڪري رهي آهي اسان جي ورڪشاپن جو مقصد آهي ته اسان پنهنجي يوٿ کي پنهنجي حقن بابت ڄاڻ ڏيون ته اهي پنهنجا حق ڪهڙي طريقي سان حاصل ڪري سگهن ٿا هنن چيو ته هن جديد ۽ ٽئڪنالوجي واري دور ۾ به انسانن جي وڏي اڪثريت پنهنجي بنيادي حقن کان محروم آهي خاص ڪري عورت ويچاري گهڻو ڪري ان کي نظراندار ڪيو وڃي ٿو ۽ هيل تائين عورت ئي آهي جنهن جا حق وڌيڪ کسيا ويا آهن پر هاڻي اهو وقت چي ويو آهي ته اسان جا نوجوان ۽ نياڻيون پنهنجا حق آسانيء سان وٺي سگهن ٿا جنهن حوالي سان اسان سنڌ جي اڪثر ضلعن , شهرن توڙي ڳوٺن ۾ پروگرام ڪرائي کين ڄاڻ ڏئي رهيا آهيون صرف ئي صرف اهو ڪرڻو آهي ته پنهنجي حقن بابت پنهنجي ئي والدين کي سمجهائڻو پوندو ايئن ئي معاشري ۾ پنهنجا حق مڃرائڻا پوندا مرتضا ڀٽي , عظيم کوسو , سريا عباسي , نثا لاڙڪ ۽ ٻين پڻ خطاب ڪيو