نوشھروفيروز ۾ آءِ بي اي ٽيسٽ پاس اميدوارن جو جوائننگ آرڊر نھ ملڻ خلاف احتجاج

111 views | 17th Sep 2023 • سنڌي خبرون

ٽيسٽ پاس ڪرڻ باوجود ھن وقت تائين آفر آرڊر ناھن ڏنا ويا، پريشاني جي ور چڙھيل آھيون: اميدوار

نوشھروفيروز ( ڊ ر) آئي بي اي ٽيسٽ پاس PST ۽ JEST اميدوارن پاران جوائننگ آرڊر نه ملڻ ۽ هلندڙ پراسيس کي فريز ڪرڻ خلاف نوشھروفيروز پريس ڪلب آڏو احتجاجي مظاهرو ڪيو ويو۔ مظاهري ۾ مورو۔ مٺياڻي۔ نوشھروفيروز سميت سڀني تعلقن سان تعلق رکندڙ اميدوارن وڏي تعداد ۾ شرڪت ڪئي. مظاهري جي اڳواڻي سيد وسيم شاه۔ آصف رند۔ دلمراد جتوئي۔ امتياز سولنگي۔ عرفان چوهاڻ۔ نجيب الله سولنگي ۽ ٻيا ڪري رهيا هئا۔ ان موقعي تي اڳواڻن چيو ته اسان ميرٽ تي ٽيسٽ پاس ڪري آفر آرڊر حاصل ڪيو آهي پر ڪيترائي ڏينهن گذرڻ باوجود اسان کي جوائننگ نه پئي ڏني وڃي جيڪا اميدوارن سان وڏي ناانصافي آھي۔ هنن چيو ته سنڌ حڪومت ھلندڙ پراسس تي پابندي ھڻي سنڌ جي نوجوانن سان ظلم ڪيو آھي. ڪيترائي نوجوان جوائننگ آرڊر نه ملڻ ڪري ذهني مريض بڻجي چڪا آهن ته ڪيترائي اميدوار بک ۽ بدحالي واري زندگي گذارڻ تي مجبور آهن۔ مظاهرين جي وڌيڪ چوڻ هو ته هي ڪا سياسي ۽ سفارشي ڀرتي ناهي جو ان تي پابندي لڳائي وڃي اسان ڏينهن رات محنت ڪري ميرٽ تي ٽيسٽ پاس ڪئي آھي نج ميرٽ تي هلندڙ پراسيس کي فريز ڪرڻ ڪاٿان جو انصاف آهي۔ اڳواڻن نگران حڪومت سميت اعلي اختيارين کان مطالبو ڪيو تي فوري طور ٽيسٽ پاس اميدوارن کي جوائننگ آرڊر ڏئي پي ايس ٽي ۽ جي اي ايس ٽي تان ھلندڙ پابندي ھٽائي وڃي ۽ نوجوانن سان انصاف ڪيو وڃي۔