عورت ايڏي ڪمزور اڳ ڪڏهن نه هئي جيتري اڄ آهي: نورالھديٰ شاهه

آرٽس ڪائونسل ڪراچي ۾ ناليواري شاعره ڪشور ناهيد جي ڪتاب “تار تار پيرهن” جي مهورتي تقريب منعقد

ڪراچي (رپورٽر) آرٽس ڪائونسل آف پاڪستان ڪراچي جي اهتمام هيٺ نالي واري شاعره ڪشور ناهيد جي نظمن ۽ غزلن تي ٻڏل ڪتاب تار تار پيرهن جي مهورتي تقريب حسينه معين حال احمد شاهه بلڊنگ ۾ ڪئي وئي جنهن جي صدارت زهره نگاهه ڪئي جڏهن ته ڪشور ناهيد، اديبه نورالحديٰ شاهه ڊاڪٽر سيد جعفر احمد، تنوير انجم ۽ ڊاڪٽر نديم انعام به خيالن جو اظهار ڪيو. ان موقعي تي نالي واري شاعره زهره نگار چيو ته تار تار پيرهن اسان جي زماني ۽ دل جي مڪمل تصوير آهي علم ۽ حڪمت بازار ۾ ناهن ملندا هي اهو دڪان آهي جتي اوهان جي دل جو آواز ٻڌو وڃي ٿو اڄ ڪلهه ڪشور جو آواز سڀ ٻڌي رهيا آهن هن چيو ته ڪشور جي دل ۽ دماغ جا دروازا اڄ به کليل آهن هن هميشه جرئت ۽ همت کان ڪم ورتو ان جي نثر ۽ نظم ۾ به هڪ بهادراڻي ڪيفيت نظر اچي ٿي مان کيس هميشه پنهنجي هم عصرن جي مدد لاءِ اڳيان ڏٺو آهي نالي واري اديبه نورالھديٰ شاهه چيو ته عورت ايڏي ڪمزور اڳ ڪڏهن نه هئي جيتري اڄ آهي ايتري ۾ ڪشور ناهيد جهڙي شخصيت جي جرئت ۽ همت کي سلام پيش ڪريون ٿا جتي رياست ۽ سياست سڀني جو ڪردار ختم ٿي وڃي ٿو اتي هڪ شاعر جو ڪردار سڀني کي زنده رکي ٿو جڏهن تاريخ لکي ويندي ته ڪشور ناهيد ۽ ان جي نظمن ۽ غزلن جو ذڪر ضرور ڪيو ويندو. آخر ۾ جوائنٽ سيڪريٽري نورالحديٰ شاهه آرٽس ڪائونسل آف پاڪستان ڪراچي پاران ڪشور ناهيد کي گل پيش ڪيا.