ٺٽي ۽ مڪلي ۾ جماعت اسلامي پاران مھانگائي ۽ تيل اگهن ۾ واڌ خلاف شٽربند هڙتال ۽ ڌرڻو

ٺٽو ۽ مڪلي شھر م پئٽرول پئمپن سميت سمورو ڪاروبار بند رھيو، جماعت اسلامي جي ڪارڪنن پاران شهرن جو گشت

ٺٽو(ڊ ر) جماعت اسلامي ٺٽو پاران مھنگائي توڙي تيل جي قيمتن ۾ اضافي خلاف ڏنل ھڙتال جي سڏ تي ٺٽو ۽ مڪلي شھر م پئٽرول پئمپن سميت سمورو ڪاروبار بند رھيو، جماعت اسلامي جي ڪارڪنن جو شھرن ۾ گشت پڻ جاري رھيو، بئي طرف جماعت اسلامي ٺٽو پاران مھنگائي خلاف ھڪ احتجاجي مظاھرو ٺٽي ۾ جماعت اسلامي جي اڳواڻن الطاف احمد ملاح، عبدالله آدم گندرو، غلام شفيع سمون، عبدالمجيد سمون، مولانا عطاء الرحمن بلوچ، شاھنواز بروھي ۽ ٻين جي اڳواڻي ۾ ڪندي چيو آھي تہ ملڪ ۾ وڌندڙ مھنگائي عوام جي چيلھ چٻي ڪري وڌي اھي، ھڪ طرف بجلي جي قيمتن ۾ اضافي سميت بلن ۾ ناجائز ٽيڪس لاڳو ڪئي ويئي اھي تہ ٻئي طرف پئٽرول، ڊيزل جي قيمتن سميت اٽي، کنڊ، گيھ سميت سموري عام واھپي جي شين ۾ ڳاٽي ٽوڙ اضافو ڪري عوام کي خودڪشين تي مجبور ڪيو ويو اھي، ھنن گھر ڪئي تہ مھنگائي تي ڪنٽرول ڪري بجلي جي قيمتن ۾ ڪمي ڪري بلن ۾ لڳندڙ ناجائز ٽيڪس ختم ڪري سرڪاري آفيسرن، حڪومتي اھلڪارن کي مفت بجلي، پئٽرول ۽ بين مراعتون ختم ڪري عوام کي مھنگائي مان نجات ڏياري کين جيئڻ جو حق ڏيئي بک ۽ بدحالي کان بچائي عام واھپي جي شين جا اگھ گھٽايا وڃن. ھنن آخر ۾ شھرين ۽ واپارين جو تعاون ڪرڻ تي پڻ ٿورو مڃيو.