جماعت اسلامي طرفان سنڌ ۾ بدامني ۽ ڌاڙيل راڄ خلاف تحريڪ ھلائڻ جو اعلان

سراج الحق جي سرواڻي ۾ 30 ۽ 31 آگسٽ تي ڪنڌ ڪوٽ ۽ شڪارپور ۾ امن مارچ ۽ ڌرڻا ھنيا ويندا

ڪراچي (اسٽاف رپورٽر) جماعت اسلامي طرفان سنڌ ۾ وڌندڙ بدامني ۽ ڌاڙيل راڄ خلاف تحريڪ شروع ڪرڻ جو اعلان، پھرين مرحلي ۾ 30۽31 آگسٽ تي مرڪزي امير سراج الحق جي قيادت هيٺ ڪنڌڪوٽ ۽ شڪارپور گهنٽا گهر وٽ امن مارچ ڪري ڌرڻا لڳايا ويندا. سنڌ جي دفتر قباءآڊيٽوريم ۾ جماعت اسلامي سنڌ جي اطلاعات سيڪريٽري مجاھد چنا جو بريفنگ ۾ وڌيڪ چوڻ ھو ته سنڌ ۾ ڌاڙيل راڄ ، بدامني ، نياڻين سان جنسي درندگي،قبيلائي جهيڙن،ڀنگ لاءِ وڌندڙ وارداتن امن تباه ۽عوام جي زندگي زھر بڻائي ڇڏي آھي .حڪومت شھرين جي جان توڙي مال جي حفاظت ۾ ناڪام ٿي چڪي آھي . ان ظلم خلاف عوام مسلسل احتجاج ڪري پيو پر حڪومت ۽ ادارا خاموش تماشائي بڻيل آھن .لوفر ۽ ڌاڙيل انھن کان ھر گزڳجھا ڪونه آھن اهي پنھنجي سچائي تي اچن ته ڏوھن جو خاتمو ڪري سنڌ ۾ امن قائم ڪري سگهن ٿا ھن وقت به ڪشمور ،ڪنڌڪوٽ ، گهوٽڪي ،شڪارپور سميت سنڌ بدامني جي آڙاهه ۾ ٻري رھي آھي ڀنگ لاءِ ماڻھن کي اغوا ڄڻ ھڪ ڪاروبار بڻجي ويو آھي ظالم سردارن ڪرپٽ پوليس آفيسرن توڙي بي رحم ڌاڙيلن جو نيٽ ورڪ ختم ڪرڻ کانسواءِ سنڌ ۾ امن ۽ ڏوھن جو خاتمو نا ممڪن نظر اچي رھيو آھي . ھن وقت به ڪيترائي ماڻھو ڌاڙيلن وٽ قيد آھن.ڪچي توڙي پڪي جاڌاڙيل گڏجي ڪري سنڌ جي عوام کي ڦري رهيا آهن.پ پ سنڌ ۾ 15 سال حڪمراني ڪئي پرهن امن توڙي سنڌ جي حقن جو تحفظ تي پنهنجي هنڌ رهيو پر عوام کي پئڻ جو صاف پاڻي صحت تعليم انساني زندگي جون بنيادي سهولتون ڏيڻ ۾ به ناڪام رهي.انهن جي محلن ماڙين توڙي بنڪ بيلنس ۾ ته اضافو ضرور ٿيو پرسنڌ جو عوام اڄ به پٿر جي دور۾ زندگي گذارڻ تي مجبور آهي.انڪري عوام کي پنهنجي سنڌ ۽ ٻچن جي بهتر مستقبل لا سجاڳ ٿيڻو پوندو هن چيو ته امير جماعت اسلاميسراج الحق ڪنڌ ڪوٽ ۾ صبح 10 وڳي ۽ شڪارپور ۾ شام 4 وڳي ڌرڻي کي خطاب ۽ اھم اعلان ڪندو.مرڪزي نائب امير مولانا اسدالله ڀٽو،سنڌجو امير محمد حسين محنتي ۽ ٻيا مرڪزي صوبائي ۽ ضلعي اڳواڻ گڌ هوندا.#