دادو جي عدالت ۾ پسند جو پرڻو ڪندڙ ڪندڙ جوڙو دربدري جو شڪار، تحفظ جي گهُر

ڪجهه ڏينهن اڳ آفتاب سولنگي سان پسند جي شادي ڪئي هئي: مسڪان سولنگي

دادو (عبدلعزيز ٻٻر ) دادو ڪجهه ڏينهن اڳ دادو جي عدالت ۾ پيار جو پرڻو ڪندڙ بيهار ڪالوني ڪوٽڙي واسڻ نوجوان ناري مسڪان سولنگي ۽ نوجوان آفتاب سولنگي وارن چيف جسٽس آف سپريم ڪورٽ کان تحفظ جو مطالبو ڪيو. تفصيل موجب ناري مسڪان ڌي وحيد علي سولنگي ميڊيا سان ڳالهائيندي چيو ته منهنجو والد زبردستي شادي ڪرائڻ چاهي پيو جيڪا ڳالهه مون کي پسند نه هئي جنهن سبب مان مائٽن جو گهر ٽن ڪپڙن ۾ ڇڏيو ۽ نالي آفتاب ولد حسين بخش سولنگي سان عدالت ۾ پيار جو پرڻو ڪيو آهي مون کي نه ڪنهن ورغلايو آهي ۽ نه ئي ڪنهن اغوا ڪيو آهي مان پنهنجي رضا خوشي سان آفتاب سان پيار جو پرڻو ڪيو آهي جيڪڏهن منهنجو والد وحيد علي يا منهنجا مائٽ ڪو به ڪيس وغيرهه ڪن ته ان کي ڪوڙو سمجهيو وڃي هن وڌيڪ چيو ته اهڙو بيان دادو جي عدالت ۾ پڻ ڏئي چڪي آهيان منهنجي پسند جي شادي ڪرڻ کان پوء منهنجو والد وحيد علي منهنجي ۽ منهنجي مڙس آفتاب جي جان جو دشمن ٿي پيو آهي اسان ٻنهي کي جان جو خطرو آهي ۽ ڪوڙن ڪيسن ۾ پڻ ڦاسائڻ جون ڌمڪيون ملي رهيون آهن جوڙي پرزور اپيل ڪندي آء جي سنڌ ڊي آء جي حيدرآباد سيشن جج دادو ۽ وس وارن کان تحفظ جو مطالبو ڪري ڇڏيو.