کیا اب شجرکاری اور مچھر مار مہم عدالت چلائے؟ جسٹس احمد علی شیخ برہم ہوگئے

ماحولیات کی بہتری کے لیے شجر کاری مہم شروع کرنے کی درخواست ناقابل سماعت قرار

کراچی: سندھ ہائی کورٹ نے ماحولیات کی بہتری کے لیے شجر کاری مہم شروع کرنے کی درخواست ناقابل سماعت قرار دیتے ہوئے مسترد کردی۔ چیف جسٹس احمد علی شیخ نے ریمارکس دیے کہ کیا اب عدالت شجرکاری مہم شروع کرے گی، مچھر مار کرنے والے کا فیصلہ بھی عدالت کرے گی؟ سندھ ہائی کورٹ میں ماحولیات کی بہتری کے لیے شجر کاری مہم شروع کرنے کی درخواست پر سماعت ہوئی، چیف جسٹس احمد علی شیخ نے کہا کہ وکیل صاحب! حکومت نے لاڑکانہ میں شجرکاری مہم شروع کی تھی، درخت لگانے کے نام پر کروڑوں روپے خرچ کیے گئے، اب زمین پر کچھ نہیں ہے۔ عدالت نے درخواست گزار سے پوچھا کہ کیا آپ کے پاس اندازہ ہے کہ درخت لگانے کی نئی مہم پر کتنا خرچ ہو سکتا ہے؟ عدالت نے درخواست گزار سے پوچھا کہ آپ جانتے ہیں کہ اتھارٹی کون ہے؟ آپ متعلقہ سیکرٹری سے رابطہ کریں۔ درخواست گزار مرتضیٰ کھاری نے کہا کہ میں نے چیف سیکرٹری کو خط لکھا ہے لیکن کوئی تسلی بخش جواب نہیں دیا گیا۔ عدالت سے استدعا ہے کہ آپ میئر کراچی کے پاس جائیں۔درخواست گزار نے کہا کہ چیف سیکرٹری اور میئر کو درخت لگانے کی ہدایات جاری کی جائیں۔