گڏاپ: سنڌ ترقي پسند پارٽي پاران سھراب ڳوٺ ٽائون پاران لاسي ڳوٺ ۾ پرچم ڪشائي

سنڌ ۾ امن امان جي صورتحال انتھائي خراب ٿي چڪي آهي، ماڻهو خوف ۾ ورتل آهن: رجب مگسي

گڏاپ (رپورٽر)سنڌ ترقي پسند پارٽي سھراب ڳوٺ ٽائون پاران لاسي ڳوٺ ۾ پرچم ڪشائي جو پروگرام رکيو ويو. جنھن ۾ سنڌ ترقي پسند پارٽي ڪراچي ڊويزن اڳواڻ رجب مگسي پھچي پرچم ڪشائي ڪئي. ان موقعي تي ميڊيا سان ڳالهائيندي رجب مگسي چيو ته سنڌ ۾ امن امان جي صورتحال انتھائي خراب ٿي چڪي آهي، پوليس عام شهرين ۽ صحافين جي جان ۽ مال جي تحفظ ڪرڻ ۾ ناڪام وئي آهي. صحافي جان محمد مهر جي قتل ۽ راڻيپور واقعي جي سخت لفظن ۾ مذمت ڪريون ٿا جڏهن ته پوليس هيل تائين نياڻي پريا ڪماري کي بازياب ناهي ڪرائي سگھي. اسين سپريم ڪورٽ. سنڌ ھاء ڪورٽ کان مطالبو ڪيون ٿا ته شهيد صحافي جان محمد مهر ۽ فاطما ڦرڙو جي قاتلن کي سخت سزا ڏئي نياڻي پريا ڪماري کي بازياب ڪرايو وڃي. ان موقعي تي بشير چانڊيو. زبير مگسي سراج چانڊيو. حاجي رند. عاشق مگسي. اياز مگسي ء ٻياڪارڪن موجود هئا.