ڏهرڪي ۾ شرپسندن پاران ڳوٺاڻن جي ووئڻن ۽ ڪمند تي زهريلي دوا جو مبينا اسپري

بااثر مقصود ڪوڀر اسان کان 5 لک روپيا ڀتو گهريو جيڪو ڏيڻ کان انڪار ڪيو هو: متاثر ڳوٺاڻا

ڏهرڪي (نويد چغتائي ) ڏهرڪي ويجهو ڀتو ڏيڻ کان انڪار تي بااثرن زهريلي دوا هاري ڳوٺاڻن جو 10 ايڪڙن تي پوکيل وئيڻڻ جي فصل کي ساڙي تباه ڪري ڇڏيو بااثرن پاران فصل ساڙي تباه ڪرڻ خلاف متاثره هارين جو احتجاج ايس ايس پي گهوٽڪي ۽ اعلي اختيارين کان نوٽس وٺي انصاف جو مطالبو، فريد ڪوڀر۽ اسلام ڪوڀر جو چوڻ آهي ته بااثر مقصود ڪوڀر اسان کان 5 لک روپيا ڀتو گهريو جيڪو ڏيڻ کان انڪار ڪرڻ تي هن گل حسن،شريف،مجيد ڪوڀر۽ ٻين سان گڏجي اسان جي 10 ايڪڙن تي پوکيل وئيڻڻ ۽ هڪ ايڪڙ تي پوکليل ڪمند جي فصل مٿان زهريلي ڪيميل واري دوا هاري فصل ساڙي ڇڏيو آهي خبر موجب ڏهرڪي ويجهو ڳوٺ جيوڻ ڪوڀر ۾ مبينه طور ڀتو ڏيڻ کان انڪار تان بااثرن ڪيميڪل واري زهريلي دوا هاري ڳوٺاڻن فريد ڪوڀر،اسلام ڪوڀر ۽ رجب ڪوڀر جو 10 ايڪڙن تي پوکليل ووئيڻڻ ۽ هڪ ايڪڙ تي پوکليل ڪمند جو فصل ساڙي تباه ڪري ڇڏيو آهي جنهن بعد بااثرن پاران فصل ساڙي تباه ڪرڻ خلاف متاثره ڳوٺاڻن پاران احتجاجي مظاهرو ڪيو ويو ان موقعي تي متاثره ڳوٺاڻن فريد ڪوڀر،اسلام ڪوڀر،رجب ڪوڀر ۽ ٻين دانهيندي چيو ته مقصود ڪوڀر جيڪو هڪ روپوش ڏوهاري قسم جو ماڻهو آهي جنهن اسان کي 5 لک روپيا ڀتو ڏيڻ لاءِ چيو ته اسان غربت سبب ان کي ڀتو ڏيڻ کان انڪار ڪيو ته هن مڇرجي گذريل رات پنهنجي ساٿين گل حسن،مظهر،مجيد،شريف ڪوڀر ۽ ٻين سان هٿياربند ٿي اسان جو تيار ٿيل 10 ايڪڙ ووئڻڻ ۽ هڪ ايڪڙ ڪمند جي فصل مٿان زهريلي ڪيميڪل واري دوا هاري فصل ساڙي ڇڏيو آهي جنهن جي ڪري اسان کي 30 کان مٿي جو نقصان پهتو آهي انهن چيو ته اسان وياج تي قرض وٺي فصل تي خرچ ڪيو جنهن مٿان پڻ بااثر ڪيميڪل واري زهريلي دوا هاري ساڙي اسان سان ظلم ڪيو آهي انهن ايس ايس پي گهوٽڪي ۽ اعلي اختيارين کان مطالبو ڪيو ته بااثرن پاران ڪيل زيادتي جو نوٽس وٺي شرپسندن خلاف ڪاروائي ڪري اسان کي انصاف فراهم ڪيو وڃي،