حويلي مان پراسرار نموني گم ٿيل ناري ثنا گراماڻي جي والد جا ايس ايس پي تي الزام

ايس ايس پي خيرپور پاڻ وٽ گھرائي ڪيترائي ڪلاڪ گذرڻ باوجود ڪيس داخل نٿو ڪري: ديدار گراما

قمبر : راڻيپور جي پيرن جي حويلي مان گم ٿي ويل قمبر جي ڳوٺ ميڻا واسڻ ناري ثنا گراماڻي جي واقعي جو نگران وڏي وزير طرفان نوٽيس وٺڻ بعد سندس والد ديدار گراماڻي سان ايس ايس پي خيرپور روحل کوسو طرفان رابطو ڪري پاڻ وٽ گهرائي ورتو آھي ان سلسلي ۾ رابطو ڪرڻ تي ناري جي والد ديدار گراماڻي ٻڌايو تہ هينئر اسين خيرپور ۾ ايس ايس پي هائوس ۾ ويٺا آھيون ايس ايس پي ڪجهہ ڪلاڪ اڳ اسان سان ملي بيان ورتا مون کيس چيو تہ ثنا اسان ڏيڍ سال اڳ پير سهيل شاه وٽ حويلي ۾ سام طور ڇڏي آيا آھيون اها اتان ڪيڏانهن وئي اهو پير ئي ٻڌائي سگهي ٿو منهنجي نوجوان ڌي ڪاٿي آھي اهو دڳ پير ٻڌائيندا اسان ايس ايس پي کي چيو تہ اسان کي پيرن کان دڳ وٺي ڏي يا اسان جو ڪيس داخل ڪيو و وڃي ڪيترن ڪلاڪن کان ويهاريون ويٺو آھي رڳو دلاسا ڏئي رهيو آھي ڪيس داخل نہ ٿو ڪري ناري جي والد چيو تہ اسان کي مختلف ماڻھو پيرن جا مريد ۽ ٻيا وڏا ماڻھو فون ڪري چون ٿا تنهنجي ڌي کي گڏجي ڳولهينداسين پيرن مٿان ڪيس داخل نہ ڪراء مون کين چيو تہ منهنجي ڌي ڪٿي آھي ڪاڏي وئي اهو سمورو دڳ پير وٽان ملندو هن مطالبو ڪيو تہ گم ٿيل نوجوان ڌي واپس ڪرائي مون سان انصاف ڪيو وڃي