ميھڙ ۾ قانوني امداد سوسائٽي پاران متبادل تڪرار جي حل بابت سيمينار منعقد

80 views | 20th Aug 2023 • سنڌي خبرون

اڄ جي سماج ۾ گهريلو مسئلن سان گڏ ٻيا به ڪيترائي مسئلا جنم وٺن ٿا: وڪيل سيده سمبل ڪاظمي

دادو (عبدلعزيز ٻٻر) قانوني امداد سوسائٽي پاران متبادل تڪرار جي حل تي هڪ ڏينهن سيمينار حيدر بخش اڪيڊمي ميھڙ ۾ ٿي گذريو سيمينار جي آرگنائيزر وڪيل سيده سمبل ڪاظمي پنهنجو بيان جاري ڪندي چيو ته اڄ جي سماج ۾ گهريلو مسئلن سان گڏ ٻيا به ڪيترائي مسئلا جنم وٺن ٿا، جيڪي گهڻو ڪري خانداني تڪرارن جو سبب بڻجن ٿا، سيمينار جا موضوع هئا، سيمينار ۾ مقررين کي خطاب ڪيو ۽ هن ليگل ايڊ سوسائيٽي جو تعارف پڻ ڪرايو ۽ چيو ته ايل اي ايس تنظيم آهي جيڪا ھڪ غير منافع بخش آهي اهو سنڌ ۾ قانوني شعور پيدا ڪرڻ ۽ قانوني خدمتن جي معيار کي بهتر بڻائڻ لاءِ ڪم ڪري رهي آهي ۽ ADR منصوبي جو تعارف ڪندي ٻڌايو ته ADR جي ذريعي ڪئين عام ماڻهو پنهنجا مسئلا قانوني طرح بغير ڪورٽ وجه جي حل ڪري سگهي ٿو ان سان گڏوگڏ غريب قيدين جا ڪيس پڻ ليگل ايڊ ذريعي بغير فيس جي وڙهڻ ۽ ھي تنظيم اھا پڻ ڪوشش ڪري رهي آهي ته قانوني خدمتن ۽ رياستي ادارن جي صلاحيت کي وڌائڻ لاء، خاص طور تي پسنديده ۽ ناپسنديده شهري عورتن ۽ مذهبي اقليتن لاء اهو هڪ اهڙي وقت ۾ ڪيو پيو وڃي جڏهن قانوني امداد جي مدد سان تڪرار کان بچڻ جو هڪ منفرد طريقو حاصل ڪري سگهجي ٿو سيمينار ايڊوڪيٽ عابد علي ڪلھوڙو جي تعاون سان ڪيو ويو جڏهن ته سيمينار ۾ سجاد چانڊيو پڻ مھمان طور شرڪت ڪئي ھيو سيمينار ۾ صمد ابڙو ۽ احمد آلکاڻي وارن پڻ رضاڪار ليگل ايڊ طور ۽ سول سوسائٽي ۽ شاگردن پڻ وڏي انگ ۾ شرڪت ڪئي