سجاول: اي ڊي سي ون غلام حيدر خاصخيلي جي رٽائرمينٽ تي الوداعي تقريب منعقد

116 views | 18th Aug 2023 • سنڌي خبرون

غلام حيدر خاصخيلي ضلعي ۾ اعليٰ انتظامن جي قيام سان حڪومتي پاليسين تي عمل ڪيو: ڊي سي

سجاول(رپورٽر)ايڊيشنل ڊپٽي ڪمشنر ون غلام حيدر خاصخيلي جي رٽائرمينٽ تي ڊي سي آفيس سجاول ۾ الوداعي تقريب ڪوٺائي وئي. ان موقعي تي ڊپٽي ڪمشنر طاهر علي ميمڻ رٽائرڊ ايڊيشنل ڊپٽي ڪمشنر جي انتظامي صلاحيتن کي ساراهيندي چيو ته غلام حيدر خاصخيلي سجاول ضلعي ۾ اعليٰ انتظامن جي قيام سان حڪومتي پاليسين تي عمل ڪيو ۽ عوام جا مسئلا حل ڪرڻ لاءِ ڀرپور قدم کنيا. هن غلام حيدر خاصخيلي جي خدمتن تي کيس خراج تحسين پيش ڪيو ۽ مستقبل لاءِ نيڪ خواهشن جو اظهار ڪيو. ان موقعي تي رٽائرڊ ايڊيشنل ڊپٽي ڪمشنر، ڊپٽي ڪمشنر ۽ ٻين انتظامي آفيسرن ۽ عملي جو شڪريو ادا ڪندي چيو ته سجاول ۾ ايڊيشنل ڊپٽي ڪمشنر طور پوسٽنگ جو عرصو يادگار رهيو، جنهن دوران سينيئر ۽ ساٿي آفيسرن کان گهڻو ڪجهه سکڻ جو موقعو مليو. هن سندس اعزاز ۾ تقريب منعقد ڪرڻ تي ڊپٽي ڪمشنر ۽ ضلعي انتظاميا جي ٻين آفيسرن ۽ عملي جا ٿورا پڻ مڃيا. بعد ۾ ڊپٽي ڪمشنر ۽ ٻين آفيسرن ۽ عملي پاران رٽائرڊ ايڊيشنل ڊپٽي ڪمشنر ون غلام حيدر خاصخيلي کي سنڌ جي روايتي سوکڙي ٽوپي ۽ اجرڪ جا تحفا پڻ پيش ڪيا ويا. تقريب ۾ ايڊيشنل ڊپٽي ڪمشنر II رڌا ٽالپر، ضلعي جي سمورن اسسٽنٽ ڪمشنرن، مختيارڪارن ۽ روينيو کاتي جي ملازمن وڏي انگ ۾ شرڪت ڪئي.