میر علی مردان خان ڈومکی نے نگران وزیر اعلیٰ بلوچستان کے عہدے کا حلف اٹھا لیا

views | 18th Aug 2023 • پاکستان

گورنر ہاوس کوئٹہ میں حلف برداری کی سادہ مگر ایک پروقار تقریب منعقد

میر علی مردان خان ڈومکی نے نگران وزیر اعلیٰ بلوچستان کے عہدے کا حلف اٹھا لیا

کوئٹہ: گورنر ہاوس کوئٹہ میں جمعہ کے روز حلف برداری کی سادہ مگر ایک پروقار تقریب منعقد ہوئی جس میں میر علی مردان خان ڈومکی نے نگران وزیر اعلیٰ بلوچستان کے عہدے کا حلف اٹھا لیا. گورنر بلوچستان ملک عبدالولی خان کاکڑ نے نو منتخب نگران وزیر اعلیٰ میر علی مردان خان ڈومکی سے حلف لیا۔ اس موقع پر وفاقی نگران وزیر داخلہ سرفراز بگٹی، اسپیکر بلوچستان اسمبلی میر جان محمد جمالی، سابق وزیراعلیٰ جام کمال خان اور سابق قومی و صوبائی اسمبلی کے وزراء و اراکین اسمبلی، اعلیٰ سول آفیسرز اور مختلف سیاسی تنظیموں کے رہنماء و کارکنان سمیت زندگی کے مختلف شعبوں سے تعلق رکھنے والے افراد کی بڑی تعداد شریک تھی