سنڌو درياءُ ۾ ڪوٽڙي بئراج وٽ پاڻي وهڪرن ۾ اضافي جو سلسلو جاري

ڪوٽڙي بئراج وٽ مٿانهون وهڪرو 2 لک 58 ھزار 135 ۽ ھيٺائون وھڪرو 2 لک 20 ھزار 908 ڪيوسڪ رڪارڊ

ٺٽو (ڊ ر) سنڌو درياءُ ۾ ڪوٽڙي بئراج تي پاڻي وهڪرن ۾ بدستور اضافو جاري اھي، ڪوٽڙي بئراج تي سنڌو درياء ۾ مٿانهون وهڪرو 2 لک 58 ھزار 135 ڪيوسڪ ۽ ھيٺائون وھڪرو وھڪرو 2 لک 20 ھزار 908 ڪيوسڪ تي پهچڻ بعد ننڍي ٻوڏ ڊڪليئر ڪئي ويئي اھي، جڏھن تہ گڊو وٽ مٿاھون وھڪرو 2 لک 90 ھزار 7 ڪيوسڪ ۽ ھيٺائون وھڪرو 2 لک 59 ھزار 106 ڪيوسڪ، جڏھن تہ سکر تي مٿاھون وھڪرو 2 لک 21 ھزار 290 ڪيوسڪ ۽ ھيٺائون وھڪرو ھڪ لک 66 ھزار 820 ڪيوسڪ پاڻي جو وھڪرو تيزي سان جاري اھي، انڊس ڊيلٽا ۾ مٺو پاڻي پھچڻ بعد مقامي ملاحن پاران پلو مڇي جو شڪار پڻ جاري اھي، جنھن سبب ماهيگيرن توڙي علائقي واسين ۾ خوشي جي لهر ڇانيل اھي. ٻئي طرف سنڌو درياء ڪناري دولھ درياء خان پل ڀرسان ڳوٺ رمضان ملاح سنڌو درياء جي پاڻي جي گھيري ۾ اچي ويو اھي، جنھن بعد متاثر ماڻھن سنڌو درياء جي بچاء بند تي اچي پناھ ورتي اھي، جن وس وارن کان سھائتا ڪرڻ جي گھر ڪندي چيو تہ گذريل سال بہ آيل دريائي پاڻي سندن ڪافي نقصان ڪيو ھو، سنڌ حڪومت ۽ ضلعي انتظاميہ ٺٽو سندن نقصان جي ڪيل ازالي جي خاطري ڪرائي ھئي، پر ان ڪيل واعدي تي بہ عمل ٿي ناھي سگھيو، ھنن چيو تہ سندن سار لھي محفوظ ھنڌن تي کين منتقل ڪري کين راشن، مڇردانيون، تنبو سميت سموريون گھربل سھولتون مھيا ڪيون وڃن.